Tendo en conta que os obxectivos europeos de reciclaxe apreman e que a xestión sostible dos residuos municipais constitúe un dos mellores antídotos para loitar contra o cambio climático, Sogama, co apoio da Consellería de Medio Ambiente, Territorio e Vivenda, lanza unha nova campaña que, baixo o título “Reciclaxe Responsable para un futuro Redondo”, oriéntase a lograr unha maior colaboración e participación da poboación.
Baixo o título “Faite responsable da túa cesta”, Sogama lanza unha guía didáctica para axudar aos cidadáns a reducir o desperdicio alimentario. Esta iniciativa enmárcase na Semana Europea da Prevención de Residuos, que este ano quere chamar a atención sobre a necesidade de diminuír a cantidade de comida que acaba no cubo de lixo, unha problemática con importantes consecuencias ambientais, económicas e sociais.
No verán, os residuos non só non se van de vacacións, senón que mesmo se ven incrementados de forma exponencial nos destinos de maior afluencia turística.
É por isto que se fai necesario non baixar a garda e seguir colaborando activamente na correcta xestión dos nosos refugallos desde calquera lugar e durante calquera actividade.
Con esta campaña preténdese transmitir, dunha forma sinxela, resumida e áxil, os residuos que deben, e non deben, depositarse en cada un dos contedores habituais nas rúas dos 295 concellos que están adscritos ao sistema de xestión promovido por Sogama.
As rebaixas comerciais poden ser un bo momento para que a poboación rebaixe tamén as cantidades de residuos producidos e active desta forma o primeiro elo na xestión xerarquizada dos mesmos, que comeza coa prevención e a redución, continúa coa reutilización e a reciclaxe, e culmina coa valorización, tanto material como enerxética, relegando o uso do vertedoiro a último lugar debido ao seu negativo impacto sobre o medio ambiente e a saúde.
10 PASOS BÁSICOS
Da man de Sogama e a Consellería de Medio Ambiente, Territorio e Vivenda, o quinto contedor, de cor marrón e concibido para recoller de forma diferenciada a materia orgánica contida nos residuos municipais, será o protagonista indiscutible da Semana Europea da Prevención de Residuos 2022 na nosa comunidade.
#RRR - Reduce, Reutiliza, Recicla!. O medio ambiente necesita a túa axuda
Nuestros hogares son los responsables de gran parte del desperdicio alimentario. Combatir estas cifras está en nuestras manos. ¡Únete a nuestra lucha!. Accede a toda la información en:
Mantén firme o teu compromiso co medio ambiente. Separa os residuos en orixe e deposítaos nos contedores correspondentes para propiciar a súa reciclaxe.