A educación ambiental constitúe unha prioridade para Sogama, xa que só desde a formación e a concienciación conseguiremos avanzar cara a sociedades plenamente comprometidas coa protección da contorna, sendo a xestión sostible dos residuos municipais un piar fundamental.

Neste marco, a aplicación diaria dos tres erres por parte da cidadanía, isto é, reducir, reutilizar e reciclar, contribuirá en boa medida a afianzar o modelo de desenvolvemento que queremos e polo que traballamos: a economía circular.