- Terá lugar do 18 ao 20 de maio e será integramente dixital, canalizándose a través dunha plataforma virtual de vangarda que permitirá aos internautas acceder tanto á conferencia como á exposición.
- A axenda de traballo contempla 70 presentacións que xirarán sobre unha ampla gama de tipoloxías de residuos, o papel ampliado das estratexias de economía circular e a situación local en todos os continentes.
Cerceda, a 13 de abril de 2021.- Waste-to-Resources 2021, a 9ª Conferencia e Exposición Internacional sobre Economía Circular, Tratamento Mecánico-Biolóxico (TMB) de residuos, Instalacións de Recuperación de Materiais (IRM) e Reciclaxe, celebrarase, do 18 ao 20 de maio, vía dixital, tanto a conferencia como a exhibición, utilizando para isto unha plataforma virtual de vangarda. Así mesmo, ampliouse significativamente o seu enfoque con novos temas de interese para a industria xestora de residuos.
A axenda de traballo contempla 70 presentacións que xirarán sobre unha ampla gama de tipoloxías de refugallos, o papel ampliado das estratexias de economía circular e a situación local en todos os continentes.
O evento pretende liderar, unha vez máis, o intercambio internacional de coñecementos sobre a recuperación de materiais e enerxía a partir de residuos, comezando coa propia recollida, o transporte e a valorización material e enerxética.
TEMÁTICAS
Co apoio de ISWA (Asociación Internacional de Residuos Sólidos), o evento contará cos seguintes bloques temáticos:
- Xestión de residuos e estratexias de residuo cero
- Economía circular durante a crise da Covid 19
- Tecnoloxías de tratamento e recuperación
- Protección contra incendios nas plantas de tratamento e reciclaxe de residuos
- Experiencia práctica e novos conceptos de plantas
- Tratamento e recuperación de fraccións de residuos orgánicos
- Recuperación de metais e metais preciosos
- Residuos minerais e da construción
- Residuos plásticos
- Licuefacción e reciclaxe química
- Economía do hidróxeno
- Xestión e recuperación de residuos seleccionados
- Separación e tratamento de fraccións de residuos
- Procesos de separación e tratamento por vía húmida e por vapor
- Pirólise, plasma, gasificación
- Aproveitamento de frita
- Propiedades xeomecánicas dos produtos da TMB
- Xestión de residuos no continente asiático
- Xestión de residuos en países emerxentes e en desenvolvemento
Máis información en www.waste-to-resources.eu
