- Celebrarase o próximo 17 de novembro en Valencia e na mesmas abordaranse abordaranse as novidades lexislativas, tendencias e oportunidades tecnolóxicas na materia,
- A xornada estrutúrase en catro bloques diferenciados a través dos cales se debullarán as novidades lexislativas a nivel nacional e europeo, os retos e oportunidades do sector dos envases plásticos, os novos sistemas de xestión (RAP) e as tendencias e casos de éxito en economía circular.
Cerceda, a 8 de novembro de 2022.- Aimplas (Instituto Tecnolóxico do Plástico) e Cicloplast, entidade que promove a reciclaxe dos plásticos, organizaron a que será a sexta edición da súa Xornada Debate sobre Plásticos e Economía Circular, Sustentabilidade e Reciclaxe, e que terá lugar o próximo día 17 de novembro en Valencia.
Esta cita, na que se darán a coñecer as novidades lexislativas, tendencias e oportunidades tecnolóxicas na materia, configúrase como punto de encontro para as empresas, administracións públicas, universidades, centros tecnolóxicos e asociacións.
ESTRUTURA
A xornada estrutúrase en catro bloques diferenciados a través dos cales se debullarán as novidades lexislativas a nivel nacional e europeo, os retos e oportunidades do sector dos envases plásticos, os novos sistemas de xestión (RAP) e as tendencias e casos de éxito en economía circular.
No primeiro deles, e baixo o título “Novidades lexislativas sobre Plásticos e Economía Circular en Europa e España”, abordarase o presente e futuro das lexislacións europeas e nacionais, así como as claves para que as empresas poidan adaptarse á nova contorna regulatoria. Os relatores invitados profundarán nas novas directivas europeas, a nova lei española de residuos e solos contaminados e o real decreto de envases e residuos de envases, que será aprobado proximamente.
No segundo bloque “Retos e oportunidades do sector do envase plástico e a economía circular ante as novidades lexislativas”, presentaranse novas iniciativas tales coma o proxecto de Scrap de envases industriais e comerciais dos sectores da química, os plásticos, o caucho e a construción. Para isto contarase coas aportacións de Isabel Goyena, directora xeral de Cicloplast. Tamén se expoñerá a situación á que se enfronta o supermercado de proximidade no uso dos envases de plástico nun contexto de economía circular.
No terceiro bloque, detallaranse as solucións para os residuos plásticos no sector agrario a través dun Sistema voluntario de xestión e analizaranse as novas obrigacións derivadas da RAP (Responsabilidade Ampliada do Produtor).
Un cuarto bloque sobre tendencias e casos de éxito innovadores en economía circular pechará a xornada, que contará tamén coa participación de empresas tales como Tomra Recycling, Contingency-Pack, Storopak ou Novamont, as cales presentarán iniciativas innovadoras e casos de éxito en economía circular que poidan servir como guía e inspiración.
Fonte e imaxe: Interempresas
