• Na mesma contémplanse igualmente as caracterizacións dos contedores que conforman as denominadas “illas de reciclaxe” para avaliar o acerto  á hora de clasificar os residuos en orixe .
• Un dato que, en todo caso, incorporarase á avaliación final das memorias que os 25 centros participantes na edición 2018-2019 deben presentar a través do Plan Proxecta da Xunta de Galicia.
• Para que os colexios participantes puidesen desenvolver os seus proxecto, Sogama dotounos cos medios materiais e didácticos necesarios.

Cerceda, a 7 de maio de 2019.- Entrando xa na última fase do presente curso académico, iníciase esta semana a terceira e última visita de seguimento aos 25 centros escolares de primaria que participan no programa educativo “Recíclate con Sogama”, canalizado a través do Plan Proxecta da Xunta de Galicia.

A particularidade desta visita é que, ademais de comprobar a situación dos distintos proxectos, corrixir posibles erros e solventar dúbidas, os técnicos de Sogama tomarán mostras dos distintos contedores que conforman as illas de reciclaxe para comprobar a calidade dos materiais depositados nos mesmos e, polo tanto, o grao de acerto á hora de seleccionar os residuos. As puntuacións obtidas computarán na avaliación final das memorias a aportar por cada colexio a través da plataforma informática do Plan Proxecta.

MEDIOS E RECURSOS

Neste sentido, cabe recordar que, xa a principios de curso, Sogama subministrou a cada centro unha illa de reciclaxe conformada por tres contedores de 120 litros (amarelo, azul e verde) para que a comunidade educativa puidese segregar os refugallos.

A fin de reforzar os coñecementos na materia, a empresa pública proporcionou ás escolas diverso material divulgativo de apoio (carteis, folletos, unidades didácticas, presentacións, etc.) e impartiu xornadas de formación presencial. Tamén entregou composteiros naqueles  colexios que dispoñían de servizo de comedor a fin de que puidesen elaborar o seu propio compost e utilizalo como emenda orgánica nas súas hortas e xardíns.

E todo isto aderezado co xogo xigante de carácter itinerante “Un partido polo planeta”, que está contribuíndo a que os pequenos complementen a información dispoñible e poñan a proba , dunha forma lúdica e divertida, os seus coñecementos no ámbito da reciclaxe.

Adicionalmente, Sogama tamén financiou visitas ao seu complexo medioambiental de Cerceda para que os alumnos tivesen a oportunidade de comprobar in situ  a súa actividade e, sobre todo, de ver por si  mesmos os resultados de  o seu esforzo no colexio e no fogar.

Nos próximos días tamén sairán á luz os colexios gañadores dos premios “Recíclate con Sogama”, a través dos cales valoraranse as mellores obras de arte elaboradas con materiais  de refugallos, pretendendo con isto  evidenciar que os residuos tamén poden converterse en recursos de alto valor artístico.

RELACIÓN DE COLEXIOS PARTICIPANTES

Oito pola provincia de Pontevedra:

-       CEIP de Conmeniño, en O Grove.

-       CEIP Plurilingüe Infante Felipe de Borbón, de Salvaterra do Miño.

-       CEIP Xulio Camba, de Vilanova de Arousa.

-       CEIP Plurilingüe Possumus, de Vigo.

-       CEIP Marquesa do Pazo da Mercé, das Neves.

-       CEIP de Rubiáns, de Vilagarcía de Arousa.

-       CEIP Plurilingüe Nº2, de Tui

-       CEIP Plurilingüe Froebel, de Pontevedra.

 Dez pola provincia da Coruña:

-       CEIP Plurilingüe Virxe do Mar, de Narón.

-       CEIP Plurilingüe de Outes, de Serra de Outes.

-       CEIP Lamas de Abade, de Santiago de Compostela

-       CEIP Plurilingüe San Xoán de Filgueira, de Ferrol.

-       CEIP Labarta Pouse, de Zas.

-       CEIP Martagona, de Melide.

-       CEIP Plurilingüe de Artes, de Ribeira.

-       CEIP Barrié da Maza, de Santa Comba.

-       CEIP Plurilingüe La Salle, de Santiago de Compostela.

-       CEIP de Caión, de Laracha.

Tres pola provincia de Ourense:

-       CPR Plurilingüe Divina Pastora, de Ourense

-       CPR Plurilingüe Divina Pastora, de O Barco de Valdeorras

-       CEIP Plurilingüe Condesa de Fenosa, de O Barco de Valdeorras

Catro por a provincia de Lugo:

-       CEIP Illa Verde, de Lugo

-       CEIP Albeiros, de Lugo

-       CPI San Tomé do Carballo, de Taboada

-       CEIP de San Cosme, de Barreiros

Saúdos, Departamento de Comunicación