• A iniciativa GreenData4All busca impulsar a transformación verde e dixital en Europa, facilitando o acceso e a reutilización dos datos ambientais
• A consulta está aberta ata o 30 de abril de 2025 e as propostas poden presentarse nos 24 idiomas da UE

Cerceda, ao 18 de febreiro de 2025.- A Comisión Europea lanzou unha consulta pública como parte da iniciativa GreenData4All, convidando a todos a compartir as súas ideas sobre como mellorar o acceso aos datos ambientais.

A consulta pública está dispoñible no portal "Díganos o que pensa" nos 24 idiomas da UE. As partes interesadas poden enviar os seus comentarios durante as doce semanas posteriores á súa publicación.

A iniciativa GreenData4All responde á crecente necesidade de mellorar o intercambio de datos ambientais. É esencial para desenvolver políticas eficaces que protexan o medio ambiente e apoien unha economía de datos sólida. Ao facer que os datos ambientais sexan máis accesibles, GreenData4All pretende apoiar a toma de decisións baseada en probas e empoderar ás empresas europeas para que creen servizos máis innovadores.

Obxectivos

• Mellorar o intercambio de datos e contribuír a que sexan máis accesibles e reutilizables para todos os usuarios, impulsando así a competitividade e a innovación en toda a UE.
• Apoiar a política ambiental e, polo tanto, garantir que os datos ambientais sexan facilmente accesibles e satisfagan as necesidades dos usuarios finais, facilitando unha mellor implementación de políticas e toma de decisións.
• Promover a transformación dixital, isto é,  promover un ecosistema coherente para o intercambio de datos ambientais, facendo que o marco legal existente estea aliñado con outra lexislación europea na materia.

A participación contribuirá a garantir que as normas actualizadas sobre datos xeoespaciais ambientais satisfagan as necesidades de todos os usuarios: dende os responsables políticos e as empresas ata o público en xeral.

A consulta convida a todas as partes interesadas a enviar os seus comentarios (cidadáns da UE, expertos en datos ambientais e xeoespaciais dos Estados membros, empresas, ONG, o mundo académico e os socios internacionais) r está aberta ata o 30 de abril de 2025. As propostas poden presentarse nos 24 idiomas da UE.

Fonte: Comisión Europea

Imaxe: Pixabay