• As inscricións pecharanse o próximo 16 de abril e os finalistas preseleccionados anunciaranse nunha cerimonia en liña o 16 de xuño. Os galardóns entregaranse en Ámsterdam, do 4 ao 5 de novembro.
• As sete categorías de premios son: Produto Automotriz, Eléctrico ou Electrónico; Produto de Edificación e Construción; Produto para o fogar e o lecer; Produto de embalaxe de plástico; Innovación tecnolóxica de produtos; Embaixador de Innovación en Maquinaria de Reciclaxe e Reciclaxe de Plásticos.

Cerceda, a 25 de febreiro de 2021.- A cuarta edición dos Plastics  Recycling  Awards  Europe 2021 xa está aberta, podendo participar na mesma os deseñadores de produtos, enxeñeiros de deseño, produtores de materias primas, fabricantes de plásticos, propietarios de marcas, comerciantes polo miúdo, produtores de máquinas de reciclaxe de plásticos e provedores de produtos de plástico reciclado de toda a cadea de valor: https:// prseventeurope. com

As sete categorías de premios son: Produto Automotriz, Eléctrico ou Electrónico; Produto de Edificación e Construción; Produto para o fogar e o lecer; Produto de embalaxe de plástico; Innovación tecnolóxica de produtos; Embaixador de Innovación en Maquinaria de Reciclaxe e Reciclaxe de Plásticos.

As inscricións pecharanse o próximo 16 de abril. Os finalistas preseleccionados anunciaranse nunha cerimonia en liña o 16 de xuño. Os gañadores recibirán os seus galardóns no  Plastics  Recycling Show  Europe ( PRSE) que terá lugar no RAI, Ámsterdam, do 4 ao 5 de novembro de 2021.

Ton Emans, presidente de  PRE, manifestou que “Os  Plastics  Recycling  Awards  Europe recoñecen e celebran a innovación que impulsa o uso circular e sostible dos plásticos”, ao que engadiu que “A pesar do ano difícil que foi 2020, sabemos que os individuos, as empresas e as organizacións ao longo e ancho da cadea de subministración están máis decididos que nunca a aumentar drasticamente a reciclaxe e o uso sostible de plásticos. Esperamos que os aspirantes aos  Plastics  Recycling  Awards 2021, desde as principais marcas ata as empresas emerxentes innovadoras, eleven aínda máis o listón da innovación e os logros! "

PRE é unha organización que representa a voz dos recicladores de plásticos europeos que  reprocesan os residuos plásticos destinados á produción de novos artigos, sendo  importantes actores na transición cara á economía circular.

Fonte e imaxe: PRS Europe