- É o primeiro Comité de Normalización español que aborda a Economía Circular dunha forma integral e cunha perspectiva multisectorial.
- O seu obxectivo é canalizar a postura española na elaboración de normas de alcance internacional e europeo na materia, así como desenvolver estándares nacionais horizontais que axuden ás organizacións a superar con éxito os seus retos dentro da economía circular.
- Intégranno 130 expertos de 75 organizacións, entre as que se atopan relevantes asociacións sectoriais españolas de ámbito nacional.
Cerceda, a 5 de xullo de 2019.- A Asociación Española de Normalización, UNE, creou un novo Comité Técnico de Normalización, o CTN 323 Economía Circular, converténdose desta forma no primeiro que aborda a economía circular dun xeito integral e cunha perspectiva multisectorial.
A reunión de constitución deste Comité tivo lugar o pasado 27 de xuño na sede do organismo español de normalización, elixíndose como presidenta a María Jesús Rodríguez, directora do Centro de Estudos de Técnicas Aplicadas do CEDEX.
O obxectivo deste Comité é canalizar a postura española na elaboración de normas de alcance internacional e europeo na materia, así como desenvolver estándares nacionais horizontais que axuden ás organizacións a superar con éxito os seus retos dentro da economía circular.
Integran o CTN 323 130 expertos de 75 organizacións, entre as que se atopan relevantes asociacións sectoriais españolas de ámbito nacional, así como empresas, pemes e varios Ministerios (para a Transición Ecolóxica, de Fomento e o de Sanidade, Consumo e Benestar Social).
Así mesmo, eríxese en vía directa de influencia española no desenvolvemento de estándares mundiais.
PERPECTIVA HORIZONTAL
Se ben existiron numerosas normas sectoriais que se relacionan con distintas etapas do modelo de circular, así como algúns estándares de aplicación multisectorial ubicados en campos xa definidos como o de medio ambiente ou o das compras sostibles, non existía un Comité de Normalización español focalizado cara a consideración da economía circular desde un punto de vista horizontal.
Neste sentido, cabe sinalar que os aspectos da economía circular de carácter sectorial ou os cubertos por Comités de Normalización xa existentes quedan excluídos do campo de actividade do CTN 323.
Pola súa banda, UNE constituíu recentemente a Comisión Consultiva de Economía Circular, dependente da súa Xunta Directiva, a fin de traballar sobre o papel da normalización como ferramenta coa que facilitar ás distintas organizacións a consecución dos obxectivos da economía circular. A devandita Comisión acordou promover a creación do Comité de Normalización Economía Circular para asegurar a representación dos intereses españois nos temas horizontais a nivel europeo e internacional e, ao mesmo tempo, dar cabida a iniciativas nacionais transversais nesta materia.
A diferenza do sistema lineal de usar e tirar, unha economía circular aplica unha perspectiva máis ampla e global, recoñecendo o valor dos materiais e a enerxía máis aló do final da vida útil actual dun produto. Ademais, este modelo impúlsase tanto desde a Unión Europea como desde España; a nivel nacional, o marco regulatorio está definido polo borrador da Estratexia para unha Economía Circular, os seus plans bianuales e o Pacto por unha Economía Circular.
Fonte e imaxe: UNE
Saúdos, Departamento de Comunicación
