• En moi boa parte, este logro é froito do intenso labor institucional de Ecopilas cos máis de 40 concellos das distintas localidades que albergaron as liñas de saída e meta.
• Ademais, a entidade premia con material deportivo (chalecos e veas) ao tres clubs náuticos, escolas de vela e mariñas que recollan máis pilas na iniciativa “Ponche as pilas e recicla”.
• Nesta edición, o centro máis activo foi o Club do Mar Cariño da Coruña, que se alza co título gañador por cuarto ano consecutivo.

Cerceda, a 20 de outubro de 2022.- Os afeccionados ao ciclismo depositaron 4.148 quilos de pilas nos contedores que Ecopilas instalou nas liñas de saída e meta das 21 etapas da pasada edición da Volta Ciclista a España, logrando así un novo récord de recollida de pilas ao duplicar practicamente a marca establecida na edición de 2019, con 2.100 quilos.

Estas máis de 4 toneladas súmanse aos 294 quilos retirados por Ecopilas, co gallo da celebración do Descenso Internacional do Sella, e os 1.707 quilos achegados polos alumnos e socios dos 82 clubs náuticos, escolas de vela e mariñas participantes na oitava edición do concurso “Ponte as pilas e recicla”, en colaboración coa Fundación Ecomar.

En total, a fundación medioambiental retirou 6.149 quilos de pilas durante súa campaña desenvolvida este verán para achegar os seus contedores aos afeccionados ao deporte.

Segundo José Pérez, presidente de Ecopilas, “estes resultados exceden a nosa previsión de recuperar os niveis de recollida previos á crise sanitaria. A ausencia de restricións, o regreso do Descenso do Sella, tras dous anos de suspensión pola pandemia, e, por suposto, a maior concienciación ambiental de afeccionados de todas as idades permítennos cerrar un balance excelente que apoia a nosa estratexia pioneira en España de ligar o deporte coa sensibilización e a educación nos hábitos da reciclaxe”.

O récord de recollida da Volta a España é froito do intenso labor institucional de Ecopilas cos máis de 40 concellos das distintas localidades que albergaron as liñas de saída e meta.

“PONTE AS PILAS E RECICLA”

Ademais, Ecopilas premia con material deportivo (chalecos e veas) aos tres clubs náuticos, escolas de vela e mariñas que recollan máis pilas no marco da iniciativa “Ponte as pilas e recicla”, na que colabora a Fundación Ecomar.

Nesta edición, o centro máis activo foi o Club do Mar Cariño da Coruña, que se alza co título gañador por cuarto ano consecutivo con 480 quilos, o 28% do total recollido.

Pola súa banda, a Escola Municipal de Vela Theresa Zabell de Cádiz e as Actividades Náuticas de Tenerife repiten en segunda e terceira posición respecto da edición de 2021, con 176 quilos e 175 quilos, respectivamente.

Fonte: Gestores de Residuos

Imaxe: Ecopilas