• Así mesmo, o 68,7% adoptou medidas para minimizar o uso de papel e cartón, logrando rebaixar nun 14% a presenza destes materiais nos seus envases e envoltorios

Cerceda, a 30 de xullo de 2024.-AECOC, a Asociación que reúne a máis de 34.000 compañías da industria e a distribución de diferentes sectores empresariais, celebrou recentemente en Madrid a súa ‘3ª Xornada de packaging sostible para cumprir coa normativa’, a fin de compartir cos seus asociados os retos vinculados á nova lexislación en materia de envases e embalaxes.

Durante a sesión, Cinta Bosch, Xerente de Sostibilidade de AECOC, deu a coñecer os principais datos do ‘3r Informe de Sostibilidade’ elaborado pola Asociación, destacando que, no último lustro, as empresas do sector lograron reducir nun 20% o plástico utilizado nos seus envases e o 68,7% adoptou medidas para minimizar o uso de papel e cartón mediante medidas tales a redución de peso e o redeseño (no 73,8% das empresas), así como a reutilización (47,6%). Grazas a estas prácticas, as compañías rebaixaron nun 14% de media a presenza destes materiais nos seus envases e embalaxes.

O evento tamén serviu para analizar con detalle o Real Decreto de envases e residuos de envases, así como o futuro Regulamento Europeo de envases, toda vez que as empresas do sector deberán cumprir con novas obrigacións na redución e optimización de envases a través de modelos que apliquen ecodeseño, melloren a reciclabilidade ou fomenten a reutilización.

Neste marco, varias firmas compartiron as súas experiencias. É o caso de Veritas, LIDL, García-Carrión ou L´Oréal.

Fonte: Retema

Imaxe: Pexels