• Promovida por EuPC, coa colaboración en España de ANAIP,  encóntrase dispoñible en sete idiomas e estará aberta ata o próximo 1 de decembro.
• As dúas primeiras edicións contaron coa participación de máis de 860 empresas transformadoras de plásticos de toda Europa, ocupando España o primeiro lugar no ranking.
• A enquisa deste ano pretende ser máis ambiciosa e recompilar máis datos, así como analizar a evolución no uso destes materiais durante estes tres últimos anos.
• Os resultados publicaranse no primeiro cuatrimestre de 2020.

Cerceda, a 3 de outubro de 2019.-  Tralo éxito das dúas edicións anteriores, EuPC (Asociación Europea de Transformadores de Plásticos), coa colaboración en España de ANAIP (Asociación Española de Industrialesde Plásticos), lanzou a terceira edición da enquisa sobre uso de material reciclado por parte dos transformadores de plásticos.

En vigor desde o pasado 2 de setembro e dispoñible en sete idiomas, incluído o castelán, estará aberta ata o próximo 1 de decembro e na mesma poderán participar todas as empresas europeas da industria da transformación de plásticos (sitio web de PCE: www.polymercomplyeurope.eu).

As dúas primeiras edicións, dispoñibles gratuitamente na páxina web de EuPC e de ANAIP, contaron coa participación de máis de 860 empresas transformadoras de plásticos de toda Europa, ocupando España o primeiro lugar no ranking, e aportaron información moi valiosa sobre o uso  de polímeros reciclados.

GRANDES EXPECTATIVAS

A enquisa deste ano pretende ser máis ambiciosa e recompilar máis datos, así como analizar a evolución no uso destes materiais durante os tres últimos anos.

Ademais, coñeceranse novas opinións e observacións dos transformadores de plásticos europeos, que poden deixar constancia das súas experiencias co uso de polímeros reciclados e os principais problemas cos que se atopan cada día para incorporar estes materiais no seu ciclo de produción.

O principal obstáculo ao que aludiron en edicións anteriores radica na dificultade que supón obter materiais reciclados coa calidade necesaria ou ben as barreiras normativas existentes para poder utilizalos na fabricación dos seus produtos, xa sexa por aplicacións en contacto con alimentos ou por esixencias do mercado.

“É esencial para a nosa industria conseguir máis información sobre o uso de polímeros reciclados para determinar o seu rendemento e os problemas que supoñen para os transformadores europeos”, explica Alexandre Dangis, Director de EuPC. “Xunto coa nosa plataforma MORE, que monitoriza o uso de material reciclado no proceso de fabricación de novos produtos, a terceira edición da enquisa vainos a axudar a atopar solucións apropiadas para o futuro e para demostrar o noso compromiso coa sostibilidade da industria dos plásticos”.

Pola súa banda, o Director Xeral de ANAIP, Luís Cediel, afirma que debemos ir cara a unha economía “cada vez máis circular” e para iso “é moi importante coñecer cales son os obstáculos que atopan as empresas de transformación de plásticos á hora de introducir os materiais reciclados no seu proceso de produción”.

Os resultados da terceira edición publicaranse no primeiro cuatrimestre de 2020.

Fonte: ANAIP

Saúdos, Departamento de Comunicación