• A captura e o almacenamento de  CO₂  bioxénico “pode permitir que os residuos sexan unha fonte de enerxía con emisións netas nulas ou mesmo negativas”, tal e como recoñece o último informe do  IPCC (2022)
• As plantas WtE xa actúan como sumidoiros de carbono ao proporcionar calor e electricidade, desviando os refugallos dos vertedoiros, coa particularidade de que preto do 50% das emisións son de orixe bioxénico , é dicir, de biomasa.

Cerceda, a 12 de maio de 2022.-  ESWET dá a benvida á folla de roteiro da Comisión Europea sobre a certificación de eliminación de carbono e destaca o potencial do sector Waste- to- Energy para contribuír aos esforzos de  descarbonización.

Considera que as especificidades de todos os ámbitos de actividade, incluída a conversión de residuos en enerxía, deben terse en conta a fin de garantir a consecución dos obxectivos de neutralidade de carbono para 2050.

Así mesmo, asegura que “a certificación da eliminación de carbono por parte da Comisión é un primeiro paso positivo na implementación exitosa de tecnoloxías de captura, almacenamento e utilización de carbono (CCUS) en Europa”.  De feito, a captura e o almacenamento permanente de CO₂ bioxénico “pode permitir que os residuos sexan unha fonte de enerxía con emisións netas nulas ou mesmo negativas”, tal e como recoñece o último informe do IPCC (2022).

ESWET apunta que, se ben proxectos executados en Oslo e Copenhague, por nomear algúns, desenvolvéronse a un ritmo acelerado nos últimos anos, circunstancia que demostra que a tecnoloxía está madura, aínda falta unha regulación integral a nivel da UE para a implementación exitosa de CCUS en plantas Waste- to- Energy.

Co fin de permitir que o sector contribúa plenamente aos esforzos de descarbonización da UE, ESWET esixe a certificación de eliminación de carbono para:

• Establecer un marco lexislativo claro e sen contradicións con outros instrumentos de descarbonización.
• Facilitar o acceso ao financiamento da UE para Waste- to- Energy e integrar así a captura de carbono, especialmente para plantas a gran escala.
• Proporcionar un caso comercial e incentivo financeiro para a eliminación de CO2 fósil e bioxénico.

Un esquema de certificación sólido tamén permitirá o desenvolvemento da cadea de valor completa, incluído o transporte, o almacenamento e a utilización do carbono. Unha regulación clara proporcionará visibilidade aos investidores e facilitará novos proxectos.

As plantas WtE xa actúan como sumidoiros de carbono ao proporcionar calor e electricidade, desviando os residuos dos vertedoiro. Ademais, debido á composición heteroxénea dos residuos non reciclables tratados, preto do 50% das emisións son de orixe  bioxénico , é dicir, de biomasa.

Documento de posición "Contribución de ESWET á convocatoria de probas sobre a certificación da eliminación de carbono "

Fonte:  ESWET