• O consumo de roupa duplicouse durante as últimas dúas décadas, o que provocou un aumento drástico dos téxtis refugados.
• Os países da UE quedan obrigados a recollelos de forma separada para 2025.

Cerceda, a 29 de setembro de 2021.- Se ben os téxtis son esenciais para o noso día a día, o consumo de roupa duplicouse durante as últimas dúas décadas, provocando un aumento drástico dos téxtis refugados.

A obriga, a nivel da UE, de recoller téxtis por separado para 2025 aumentará aínda máis a oferta e, para garantir a reutilización e a reciclaxe óptimos dos téxtis usados, é esencial unha manipulación e clasificación axeitadas.

As "Especificacións de clasificación e manipulación de téxtis EuRIC para a reutilización e reciclaxe de téxtis usados", recoméndanse como unha guía durante todo o proceso de recolección e clasificación a fin de preparar os artigos para a súa reutilización ou reciclaxe conforme á xerarquía de refugallos e as mellores prácticas da industria. Están destinadas a ser utilizadas polos profesionais do sector ao longo da cadea de valor nas súas operacións diarias, xa que os procesos descritos aseguran a alta calidade dos téxtis de segunda man para a súa reutilización e / ou posterior reciclaxe.

A presidenta de  EuRIC Téxtis,  Mariska  Zandvliet, aludiu á importancia de “ter especificacións uniformes e claras que describan como se deben manipular os téxtis usados para lograr a maior porcentaxe posible de reutilización e reciclaxe”, ao que engadiu que “co aumento esperado de téxtis usados que se recollerán despois de 2025, a nosa principal prioridade debe seguir sendo minimizar a perda de calidade durante todo o proceso de clasificación e maximizar as posibilidades de reutilización e reciclaxe.

Neste sentido, incidiu en que “as nosas especificacións, preparadas por profesionais líderes da industria, garanten que se manteña a calidade dos téxtis recolectados e describen un proceso de clasificación para a reutilización e a reciclaxe sostibles, facilitando a circularidade”.

Fonte e imaxe:  EURIC