- No marco do mesmo, todos os comercios asociados poderán beneficiarse deste servizo mediante a instalación de contedores de recollida nos puntos de venda que o desexen.
Cerceda, a 9 de novembro de 2020.-FECE, a Federación Española de Comerciantes de Electrodomésticos, e AMBILAMP, Sistema Colectivo de Responsabilidade Ampliada do Produtor, subscribiron un convenio de colaboración mediante o cal todos os comercios asociados poderán beneficiarse dos servizos de xestión de residuos de lámpadas mediante a instalación de contedores de recolida nos puntos de venda que o desexen.
Segundo Carlos Moreno-Figueroa, secretario xeral de FECE, “conseguimos con este acordo un aforro de custos, un mellor servizo para o consumidor e cumprir coas obrigas legais de recollida de residuos de aparellos eléctricos ou electrónicos”.
En palabras de Juan Carlos Enrique Moreno, Director Xeral de AMBILAMP, “este novo acordo de colaboración reafirma a capacidade de unidade e colaboración que existe entre os actores do sector do comercio de electrodomésticos español para que, ademais de proporcionar soporte orientado ao cumprimento da regulación sobre residuos, fagamos posible un modelo de Economía Circular que nos permita seguir desenvolvendo a nosa actividade de forma sostible e en favor do medio ambiente”.
Fonte: FuturEnviro
Imaxe: Pixabay
