![“Fonte Escura” de Vigo, una escuela viva en la que el aprendizaje se tiñe de verde “Fonte Escura” de Vigo, una escuela viva en la que el aprendizaje se tiñe de verde](/sites/default/files/noticias/image/2022-08/Imagen%2520web_9.jpg)
- Trátase dun centro plenamente comprometido coa protección do medio ambiente, servindo este como instrumento troncal no seu currículo académico.
- Este colexio, que tamén integra a nenos e nenas con algún tipo de discapacidade, así como a outros procedentes de contornas familiares desestructuradas e/ou con escasos recursos, fixo da sustentabilidade a súa bandeira.
- Lourdes Abellán, profesora de audición e linguaxe, considera que a horta escolar e os espazos naturais constitúen un ámbito ideal para a formación integral dos escolares.
Cerceda, a 20 de maio de 2022.- O CEIP Fonte Escura de Vigo, un centro escolar que tamén integra a nenos e nenas con algún tipo de discapacidade, tanto física como intelectual, así como a outros procedentes de contornas familiares desestructurados e/ou con escasos recursos, fixo do medio ambiente a súa bandeira.
Nos últimos anos, unha boa parte das actividades promovidas polo profesorado deste colexio, plenamente comprometido coa sustentabilidade en toda a súa amplitude, xiraron ao redor da protección da contorna, servindo este como instrumento troncal no seu currículo académico e soporte para a aprendizaxe das distintas materias obxecto de estudo.
ACTIVIDADES AMBIENTAIS CON CARÁCTER PERMANENTE
Lourdes Abellán Ruiz, profesora de audición e linguaxe en Fonte Escura, móstrase convencida de que aquilo que se experimenta, apréndese para sempre.
Considera que a horta escolar e os espazos naturais constitúen un ámbito ideal para a educación e formación integral dos escolares, de aí que as actividades ambientais estean presentes durante todo o curso académico. Entre outras, cabería destacar a recollida semanal do plástico e o papel xerado no colexio por parte de grupos de alumnos aos que se asignan quendas mensuais; a limpeza, o abono e a cubrición dos bancales (estruturas con canas para as plantas trepadoras) coa virutilla da poda; rega periódico das plantacións de produtos de tempada; recollida de materia orgánica para “alimentar” o composteiros e obter así un compost natural de alta calidade para a horta e xardín; preparación e coidado dun espazo para herbas aromáticas; talleres de cociña con produtos da horta: queixadas de espinacas, batido de piña e verduras, cariñaas vexetais, etc, inculcando aos escolares unha dieta sa e saudable, así como certas destrezas na cociña; reconto e marcación das árbores do xardín; gxrminación de landras e o recheo dos comedores e bebedoiros dos paxaros.
EDUCACIÓN EN VALORES
Abellán enxalza a gran sorte que ten a comunidade educativa deste centro ao dispoñer de pequenos espazos verdes que lles permiten gozar da observación e a experimentación e, sobre todo, que lles ensinan a “ser pacientes, ter os ollos ben abertos a todos os cambios e marabillarnos da súa maxia”. Tamén de dispoñer dun profesorado que entende as particularidades desta escola e uns “alumnos incribles, malia as grandes dificultades coas que moitos se atopan cada día”.
Sen dúbida, este colexio vigués constitúe un espello no que mirarse e todo un referente para outros moitos centros, dada a súa capacidade de estimulación, o seu afán de axuda aos pequenos e familias, a súa plena dedicación á formación dos pupilos, tanto desde o punto de vista académico como emocional, e o seu empeño por educar a futuros adultos plenamente integrados na sociedade e, sobre todo, felices.
Saúdos, Departamento de Comunicación