• Así o manifestou en esRadio o presidente executivo de Sogama, Javier Domínguez Lino, quen avanzou que, para 2022, o traballo desta empresa pública centrarase en boa medida en executar a rede de biorresiduos para a valorización da materia orgánica na meirande parte dos municipios adscritos á mesma
• Domínguez tamén mostrou a súa satisfacción polo último galardón recibido ao ser distinguida a compañía co premio European Award Business 2001, na categoría de compromiso ambiental
• Desde 2015, xa son 11 os premios que a entidade atesoura nas súas vitrinas e paredes, representando, segundo declarou o seu máximo responsable, “todo un recoñecemento ao traballo e esforzo do equipo de profesionais que integran esta entidade”

Cerceda, a 1 de xaneiro de 2022.- Javier Domínguez manifestou en esRadio que Galicia posiciónase hoxe como unha “comunidade moi avanzada en materia ambiental, erixíndose en todo un referente, nacional e internacional, na xestión sostible dos residuos urbanos”.

O último recoñecemento recibido por esta compañía pública adscrita á Xunta así o testemuña. Sogama foi distinguida co premio European  Award Business 2001, na categoría de compromiso ambiental. Este galardón, que o seu presidente recolleu o pasado 3 de decembro en París, culmina un ano no que a Sociedade  Galega  do Medio Ambiente tamén recibiu os diplomas Ardán como empresa circular e igual en xénero.

Desde 2015, xa son 11 os galardóns que a entidade atesoura nas súas vitrinas e paredes, representando, segundo declarou o seu máximo responsable, todo un recoñecemento ao traballo e esforzo do equipo de profesionais que a integran.

RESIDUOS COVID-19

No marco da pandemia, Domínguez Lino tamén quixo enxalzar a contribución de Sogama ao correcto tratamento dos residuos sanitarios de baixo risco tales como mergulladores, luvas, máscaras refugables e asimilables. 285.000 quilos en total.

A petición do Sergas, e dada a sobresaturación das plantas dedicadas ao tratamento de refugallos sanitarios, a organización habilitou no complexo medioambiental de Cerceda unha infraestrutura independente, con persoal externo, para que estes refugallos, previo acondicionamento dos mesmos,  fosen valorizados  enerxeticamente na planta  termoeléctrica a temperaturas superiores aos 850º C, garantindo deste xeito a eliminación de  patóxenos e outros axentes nocivos.

O MARRÓN

De cara ao cumprimento das directrices europeas (chegar ao 55% de reciclaxe en 2025), a Xunta de Galicia, xunto con Sogama como brazo executor, construirá tres novas plantas de biorresiduos (Cervo, en Lugo; Vilanova de Arousa, en Pontevedra; e Verín, en Ourense), que se sumarán á que xa está operativa en Cerceda, na Coruña, coa pretensión de estender a recollida separada da fracción orgánica a prácticamente todo o territorio. As 4 instalacións estarán apoiadas por 13 plantas de transferencia ás que se dotará dunha tolva específica para o transvasamento dos residuos orgánicos, que logo serán transportados á planta de compostaxe máis próxima.

E todo isto contará cun investimento de 38.600.000 euros, dos cales 30 millóns procederán dos Fondos FEDER como resposta da Unión Europea á pandemia da Covid-19.

Por tanto, tal e como indicou Domínguez, “estamos a traballar de forma simultánea en 17 proxectos”, un labor exhaustivo, pero “grazas á implicación e dedicación do persoal de Sogama, avanzamos a bo ritmo”.

Na actualidade, catro concellos están a utilizar os servizos da planta de compostaxe de Cerceda. Son Carballo, Laracha, Cerceda e Santa Comba.  O presidente agradeceu a colaboración dos gobernos locais, así como de veciños destas localidades, á vez que puxo en valor o resultado do seu esforzo, cunha calidade da materia orgánica moi elevada, presentando unicamente entre un 3 e un 4% de impropios.

Así as cousas, avanzou que, para 2022, “estaremos centrados en boa medida en executar a rede de  biorresiduos, conformada por 17 infraestruturas”, ao que engadiu que “a Consellería de Medio Ambiente publicou xa as liñas de axudas para a implantación do contedor marrón e os concellos dispoñen de prazo ata o próximo 31 de xaneiro para solicitalas”. Neste sentido, Domínguez Lino lembrou que os entes locais deberán instaurar a recollida selectiva dos refugallos orgánicos antes do 31 de decembro de 2023.

Saúdos, Departamento de Comunicación