• Impulsada pola cadea de valor do papel, constitúe unha plataforma  activa para divulgar e documentar as distintas cuestións vinculadas ao papel.
• Está deseñada para os interesados no mundo do papel, sexan profesionais ou usuarios, que cren que o futuro é dos produtos renovables, reciclables, bioodegradables e baixos en carbono, integrados no ciclo natural.

Cerceda, a 11 de marzo de 2021.- A principios deste ano entrou en funcionamento o sitio web www.graciaspapel.es. Impulsado pola cadea de valor do papel, constitúe unha plataforma  activa para divulgar e documentar cuestións tales coma o cultivo das árbores coas que se fai o papel, a certificación forestal, a circularidade do papel, como se recicla e canto reciclamos, os distintos tipos de produtos de papel e cartón, como se fabrican, cal é o seu comportamento ambiental, que pensan os consumidores segundo as máis recentes enquisas, cales son as cifras da cadea de valor da celulosa … É dicir, que  todo o referente ao mundo do papel e o medio ambiente pode atoparse facilmente nesta nova web, alimentada con publicacións,  audiovisuais, infografías e con links a outras plataformas especializadas.

Graciaspapel está deseñada para os interesados no mundo do papel, sexan profesionais ou usuarios, que creen que o futuro é dos produtos renovables, reciclables, bioodegradables e baixos en carbono, integrados no ciclo natural.

PARA QUEN?

Para escritores, xornalistas, deseñadores gráficos, editores, quiosqueiros, libreiros, bibliotecarios… Para os que envasan os seus produtos en papel e cartón, para os que transportan todo tipo de mercadorías protexidas en embalaxes de cartón, para os que nos seus comercios confían neste material como a tarxeta de presentación sostible, para os que len todas as etiquetas e saben moi ben o que están a adquirir, para os que buscan nas súas compras a protección do cartón e para os que piden bolsas de papel nas tendas e no súper. Tamén para os que gozan escribindo e recibindo cartas, para os afeccionados á papiroflexia ou os coleccionistas de marca-libros. 

A nova web www.graciaspapel.es é sitio da gran comunidade dos amantes do papel, de #lagentedelpapel.

Fonte: FuturEnviro

Imaxe: Pexels