• Trátase da #GreenWeek21, cuxo obxectivo é animar á cidadanía na correcta reciclaxe dos residuos de aparellos eléctricos e electrónicos (RAEE), destacando a habilitación de puntos informativos nos lugares máis transitados das cidades.
• E da #GreenLeague, que promove unha liga non competitiva entre empresas e institucións que se unen á reciclaxe responsable durante case tres meses.
• Ambas as dúas están en liña e plena sintonía co Plan de Acción de Educación Ambiental para a Sostibilidade.

Cerceda, a 2 de setembro de 2021.- A Fundación  ECOLEC, organización sen ánimo de lucro que centra a súa actividade na reciclaxe de Residuos de Aparellos Eléctricos e Electrónicos (RAEE), levará a cabo unha nova edición das súas iniciativas #Green estrela, isto é, a #GreenWeek e a #GreenLeague, dous proxectos de concienciación cidadá que se desenvolverán por diferentes cidades españolas co obxectivo de contribuír, a través da reciclaxe deste tipo de residuos, á protección do medio ambiente e á economía circular.

Esta edición, a #GreenWeek21 celebrará o seu primeiro lustro percorrendo a xeografía nacional co fin de animar á cidadanía para que colabore na correcta reciclaxe de RAEE. De entre as accións emprendidas, cabe destacar a habilitación de puntos informativos nos lugares máis transitados das urbes para que os cidadáns, ademais de depositar nos mesmos os seus aparellos eléctricos e electrónicos, poidan informarse na correcta xestión destes residuos. Así mesmo, cabe recordar que a #GreenWeek20 contou coa iniciativa “un quilo = unha árbore”, para fomentar a plantación de árbores en espazos naturais protexidos.

Doutra banda, a #GreenLeague promove unha liga non competitiva entre empresas e institucións que se unen á reciclaxe responsable durante case tres meses. O proxecto pretende difundir as vantaxes e a importancia de reciclar RAEE, ademais de incrementar a sensibilización cidadá sobre a súa correcta xestión en xeral e dos puntos de recollida existentes (puntos limpos e  canais de distribución) en particular.

EN LIÑA CO PLAN DE ACCIÓN DE EDUCACIÓN AMBIENTAL PARA A SOSTIBILIDADE

As iniciativas #Green están en plena sintonía co Plan de Acción de Educación Ambiental para a Sostibilidade, unha estratexia que ten como principal obxecto impulsar un cambio cultural en favor da concienciación ambiental.

O devandito plan ten establecidos 17 obxectivos. É o caso de garantir unha vida sa, promover o benestar, a educación inclusiva, o acceso a unha enerxía sostible e segura, ou impulsar o crecemento económico sostido.

Fonte e imaxe: Fundación ECOLEC