• Enmarcada no programa “Pajaritas Azules” de ASPAPEL, esta iniciativa dá resposta ás principais dúbidas cidadás sobre a reciclaxe do papel e cartón, á vez que promove o desenvolvemento de campañas por parte dos entes locais para optimizar a cooperación da poboación no sistema

Cerceda, a 8 de decembro de 2022.- A mediados deste ano, ASPAPEL lanzou, no marco do programa “Pajaritas Azules”, unha interesante iniciativa baixo o lema “La Voz del Reciclaje” e cuxa pretensión é dar resposta, mediante 9 mensaxes claras e sinxelas, ás principais dúbidas cidadás sobre a reciclaxe do papel e cartón, á vez que promove o desenvolvemento de campañas por parte dos entes locais para optimizar a cooperación da poboación no sistema.

AS 9 MENSAXES DE LA VOZ DEL RECICLAJE

1. Para conseguir unha reciclaxe de calidade é necesario que o papel e o cartón cheguen sen mesturar con outros materiais ás fábricas papeleiras onde se reciclan. Se non depositas ben os distintos residuos en cada contedor, estás a estragar o traballo de todos.
2.  Os residuos que se introducen no contedor equivocado non se poden recuperar para reciclar.
3.  Cada material debe ir ao contedor que lle corresponde. Non botes ao contedor azul materia orgánica, bricks, roupa usada, bolsas ou envases de plástico.
4.  É moi importante introducir o papel e o cartón dentro do contedor azul, un contedor só para estes materiais. Se deixamos o cartón fóra do contedor azul, pode acabar en vetedoiro ou pode mancharse dificultando a súa reciclaxe.
5.  É tamén moi importante encartar as caixas antes de depositalas no contedor azul, para que non ocupen máis espazo do necesario. Se as introducimos sen encartar estamos a saturar os contedores innecesariamente e os nosos veciños xa non terán sitio no contedor para o seu papel e cartón.
6.  Deixar o cartón fóra dos contedores, ensucia as rúas e dificulta o paso. Desmonta as caixas, prégaas e méteas dentro do contedor para que se poidan reciclar e non causen molestias.
7.  A reciclaxe de papel e cartón é un perfecto exemplo de economía circular, onde os residuos convértense en recursos para completar o ciclo. As fábricas papeleiras utilizan o papel e cartón que se recolle nos contedores como materia prima para fabricar novos produtos papeleiros.
8.  Os 4,4 millóns de toneladas de papel e cartón usado que se recollen ao ano en España para a súa reciclaxe supoñen un aforro de volume en vertedoiro equivalente a 44 grandes estadios de fútbol coma o Bernabéu ou o Camp Nou cheos ata arriba. E isto supón ademais un aforro das emisións en vertedoiro de 4 millóns de toneladas de CO2.
9.  Os veciños achéganse a diario aos contedores, que poderían ser un soporte de información perfecto para explicarlles como separar para reciclar máis e mellor, indicando nos propios contedores que hai que depositar neles e que non.

SOBRE ASPAPEL

ASPAPEL (Asociación Española de Pasta, Papel e Cartón) é unha organización profesional de ámbito estatal que agrupa ás empresas do sector da celulosa e o papel. As empresas asociadas, ao redor de 48, supoñen máis do 90% da produción do sector.

Fonte e imaxe: pajaritasazules.com