• O conxunto dos traballadores e traballadoras desta compañía pública, dependente da Xunta de Galicia, están respondendo a esta situación de crise coa máxima responsabilidade, profesionalidade, eficiencia e dilixencia.

Cerceda, ao 20 de marzo de 2020.- Con todas as medidas de protección individual, colectivas e organizativas, a maquinaria de Sogama continúa a pleno rendemento para seguir prestando o mellor servizo público aos 295 concellos adheridos ao seu modelo ou, o que é o mesmo, a máis de 2.242.000 habitantes.

O conxunto dos traballadores e traballadoras desta compañía pública, dependente da Xunta de Galicia, están respondendo a esta situación de crise coa máxima responsabilidade, profesionalidade, eficiencia e dilixencia, conscientes do importante papel que asumen nun escenario sen precedentes e con serias consecuencias sanitarias, sociais e económicas.

Desde as nosas casas, apliquemos medidas de máxima prevención, tamén na xeración de residuos, separémolos correctamente e propiciemos unha xestión sostible dos mesmos.

Xuntos, pola saúde dos cidadáns e a protección do medio ambiente. Sigamos fortes!

Saúdos, Departamento de Comunicación