• A través da mesma recoñécense proxectos promovidos e desenvolvidos por calquera organización europea no ámbito da innovación e a información a fin de mellorar as taxas de reciclaxe.
• Estes premios están organizados polo Consello Europeo de Reciclaxe de Papel (EPRC), que abarca toda a cadea de valor da reciclaxe de papel en Europa, e estrutúranse en dúas categorías: Información e educación; e Tecnoloxías innovadoras e I+D.
• A cerimonia de entrega de premios terá lugar no Parlamento Europeo en Bruxelas, en febreiro de 2020.

Cerceda, a 23 de outubro de 2019.-  O European Paper Recycling Award 2019 xa está en marcha. A través desta convocatoria, que se realiza cada dous anos, recoñécense proxectos promovidos e desenvolvidos por calquera organización europea no ámbito da innovación e a información co fin de mellorar as taxas de reciclaxe. O obxectivo é distinguir aquelas iniciativas ou campañas europeas que cambian a forma na que reciclamos papel e contribúen en boa medida a alcanzar maiores taxas de reciclado para este material, situadas no 74% para 2020.

Estes premios están organizados polo Consello Europeo de Reciclaxe de Papel (EPRC), que abarca toda a cadea de valor da reciclaxe de papel en Europa e que precisamente se creou como unha iniciativa da industria deste sector a finais do ano 2000 coa pretensión de monitorear o progreso cara ao cumprimento dos obxectivos establecidos na Declaración Europea de 2000 sobre a reciclaxe de papel.

Abertos a todas as entidades con sede en Europa, incluíndo escolas, universidades, ONGs, autoridades nacionais e rexionais, empresas e asociacións, os galardóns estrutúranse en dúas categorías: Información e educación, buscando iniciativas orientadas a crear conciencia sobre a reciclaxe de papel entre un grupo obxectivo específico; e Tecnoloxías innovadoras e I+D, apartado no que se inclúen proxectos innovadores para mellorar a tecnoloxía de reciclaxe de papel.

Os proxectos presentados serán avaliados conforme aos seguintes criterios:

• Relevancia e orixinalidade.
• Logros
• Posibilidade de reproducir o proxecto
• Rendibilidade

A cerimonia de entrega de premios terá lugar no Parlamento Europeo en Bruxelas, en febreiro de 2020.

Fonte: Paper Recycling Council European

Imaxe: Pixabay

Saúdos, Departamento de Comunicación