![El plazo para participar en el programa "From Linear to Circular" concluye el próximo día 28 El plazo para participar en el programa "From Linear to Circular" concluye el próximo día 28](/sites/default/files/noticias/image/2022-08/Bola%2520pexels.jpg)
- É un dos programas de aprendizaxe máis emblemáticos da Fundación Ellen Mc.Arthur e está dirixido a estudantes de posgrao e profesionais que se atopan ao comezo da súa carreira no ámbito da economía circular.
- Desenvolverase entre o 19 de abril e o 25 de xuño de 2021 e ten carácter gratuíto.
Cerceda, a 18 de febreiro de 2021.- "From Linear to Circular" é un dos programas de aprendizaxe máis emblemáticos da Fundación Ellen Mc.Arthur e está dirixido a estudantes de posgrao e profesionais que se atopan ao comezo da súa carreira na economía circular.
Este curso constitúe unha excelente oportunidade para complementar coñecementos, dotar de maior alcance aos traballos e investigacións realizadas no ámbito da sostibilidade e propiciar que os interesados poidan converterse en catalizadores da economía circular dentro da súa organización.
O programa é gratuíto e desenvolverase entre o 19 de abril e o 25 de xuño de 2021. A data límite para a presentación de solicitudes é o 28 de febreiro, ás 23.00 horas.
Cunha duración de dez semanas, inclúe sesións dirixidas por expertos e proxectos de colaboración en equipo desenvolvidos pola Fundación e os membros da súa Rede, facilitando deste xeito que os alumnos poidan ampliar as súas redes profesionais. O fin último é dotalos das habilidades necesarias para axudalos a desempeñar un papel na aceleración cara a unha economía circular.
O programa inclúe:
• Unha exploración en profundidade do concepto de economía circular.
• Sesións dirixidas por expertos sobre a aplicación práctica da economía circular.
• Traballar en proxectos de equipo codeseñados pola Fundación e as empresas da súa rede.
• Titoría por parte de antigos alumnos do programa.
• Conversacións con expertos en economía circular.
• Creación dunha sólida rede de antigos alumnos de From Linear to Circular.
Fonte: Gestores de Residuos
Imaxe: Pexels