- Lanza a quinta edición de ‘1 m2 polos ríos, lagos e encoros’ para seguir incrementando o coñecemento sobre o impacto do lixo nestas contornas
- A campaña desenvolverase entre o 12 e o 20 de marzo, sendo o seu obxectivo continuar recollendo datos para analizar, tanto a tipoloxía como o volume dos residuos abandonados na natureza
- Ata o próximo 6 de marzo, calquera organización, asociación ou entidade pode participar na campaña creando puntos de recollida de refugallos a través da web proyectolibera. org
Cerceda, a 28 de febreiro de 2022.- LIBERA, o proxecto creado por SEO/ BirdLife en alianza con Ecoembes, lanza a quinta edición da campaña de ‘1 m2 polos ríos, lagos e encoros’, que terá lugar do 12 ao 20 de marzo.
Así, no marco do Día Internacional dos Ríos, que se celebra o 14 de marzo, esta campaña de ciencia cidadá ten como obxectivo continuar recollendo datos para analizar a tipoloxía e o volume do lixo abandonado nestas contornas.
Ata o próximo 6 de marzo, calquera organización, asociación ou entidade pode participar na campaña creando puntos de recollida a través da web proyectolibera. org.
Como en todas as campañas de ciencia cidadá, os colectivos participantes empregarán a app móbil ‘ eLitter’, unha ferramenta de traballo pioneira na caracterización de residuos, desenvolvida polas asociacións Paisaxe Limpo e Vertidos Cero, en colaboración con LIBERA.
Os datos obtidos integraranse na base de datos do MITECO e sumaranse aos obxectos xa caracterizados que LIBERA recompila no seu ‘‘Barómetro da Basuraleza’’.
Na pasada edición de ‘1 m2 polos ríos, lagos e encoros’, contouse coa colaboración de máis de 4.800 voluntarios en 338 puntos do país, logrando analizarse un total de 6,4 toneladas de lixo das que se categorizaron 75.048 obxectos, sendo os residuos máis atopados as cabichas, as latas de bebida, as pezas de plástico inferior a 2,5 cm e as toalliñas húmidas.
“Os humidais son un dos ecosistemas que máis se están degradando en todo o mundo pola acción humana. A súa conservación é indispensable para facer fronte aos efectos do cambio climático”, afirma Alberto Remacha, coordinador do Proxecto LIBERA en SEO/ BirdLife.
Fonte e imaxe: Corresponsables
