• A razón desta campaña é mobilizar a todos os públicos, é dicir, empresas, organizacións, asociacións, institucións ou persoas que se somen a esta gran rede de Liberadores e sexan parte activa da loita contra a basuraleza

Cerceda, a 20 de abril de 2023.- Seis anos despois do lanzamento do Proxecto LIBERA, promovido por SEO/BirdLife en alianza con Ecoembes, sendo o seu obxectivo manter os espazos naturais libres de residuos, LIBERA lanza o ‘manifesto dos liberadores’ e presenta un novo lema, que será o concepto paraugas da campaña: ‘Libera o teu mundo de basuraleza’. Con ela, pretende mobilizar a todos os públicos a que se somen a esta gran rede de Liberadores e sexan parte activa da loita contra a basuraleza.

Os Liberadores é o movemento dos que loitan contra a basuraleza e está formado por persoas, asociacións, institucións, entidades ou pobos. Se algo lles caracteriza, é que son optimistas, solucionadores, activistas cotiáns e comprometidos. Preveñen, recollen, ensinan e informan para loitar contra a basuraleza, é dicir, xente que, con accións do día a día (reducir o consumo, reutilizar obxectos que poidan ter unha segunda vida, comprar de forma responsable e con autocontrol, reciclar, usar na medida do posible o transporte sostible ou non tirar residuos ao chan), liberan o noso mundo de basuraleza.

Por iso, a pretensión deste manifesto é dar visibilidade ás persoas que diariamente se converten en Liberadores e que, actuando no próximo, axudan a manter libre de lixo a súa contorna e polo tanto a de quen os rodea.

En 2022 mobilizáronse en España máis de 30.000* persoas contra a basuraleza. Isto supuxo a maior cifra rexistrada desde que se puxo en marcha este proxecto en 2017. Desde entón, LIBERA non deixou de crecer. A día de hoxe, conseguiu consolidar unha rede que xa consta de 2.200 entidades (274 máis que en 2021) entre organizacións, empresas, administracións públicas, entidades científicas ou colectivos locais.

AMPLA REDE DE COLABORADORES

Dentro dos fitos de LIBERA atópase tecer unha rede de entidades colaboradoras onde un dos piares fundamentais son as administracións públicas, contando tamén cunha rede de entidades investigadoras, educativas, sociais ou deportivas, as Alianzas LIBERA, que canalizan o seu labor a través de diferentes proxectos conxuntos.

A prevención do abandono de residuos na natureza a través da educación ambiental é tamén clave e a rede de LIBERA chega á comunidade educativa a través do programa Aulas LIBERA, que ten como obxectivo fomentar a loita contra a basuraleza e crear un compromiso coas contornas naturais entre o alumnado.

Grazas ao compromiso e ao traballo de todos os que forman parte da rede LIBERA, en 2022 conseguiuse recoller e clasificar preto de 120 toneladas de basuraleza en máis de 1.700 puntos naturais de toda España, e permitíronse caracterizar máis de 211.000 residuos abandonados na natureza.

Fonte e imaxe: Libera