• Así o manifestou José Antonio Fernández Vázquez, primeiro presidente da Sociedade Galega do Medio Ambiente, nunha entrevista publicada no último número da Newsletter corporativa, onde explicou os comezos desta empresa pública
• Con motivo da súa participación na xornada conmemorativa do 30 aniversario de Sogama, trasladou a súa enorme satisfacción ao constatar que aquel proxecto que coñeceu, e no que participou tan activamente na súa fase embrionaria, converteuse nun conglomerado técnico-administrativo que funciona hoxe coa máxima eficiencia e rigor

Cerceda, a 31 de outubro de 2022.- No marco do 30 aniversario de Sogama, José Antonio Fernández Vázquez, primeiro presidente desta entidade pública e figura clave na xestación dun ambicioso proxecto ambiental que hoxe dá servizo a 295 concellos, nos que habitan máis de 2.240.000 persoas, participou o pasado mes de xuño no acto conmemorativo do labor desenvolvido pola Sociedade Galega do Medio Ambiente durante tres décadas e no que se deron cita os sucesivos presidentes desta entidade, ademais da actual conselleira de Medio Ambiente, Territorio e Vivenda, Ángeles Vázquez.

Nunha entrevista recollida na Newsletter corporativa de setembro, Fernández Vázquez lembrou os primeiros pasos de Sogama, concibida para resolver unha situación caótica caracterizada pola existencia de multitude de vertedoiros, moitos deles incontrolados e outros que, aínda dispoñendo de autorización, non cumprían os parámetros normativos e ambientais establecidos con posterioridade á súa implantación, coa particularidade de que rebasaban a súa capacidade.

Con estas vimbias comezouse a pergeñar todo o proceso xurídico-administrativo para a posta en marcha da Sociedade, isto é, a adquisición dos terreos e construción das instalacións, así como o desenvolvemento de distintos instrumentos xurídicos e convenios con institucións.

Do mesmo xeito que aconteceu con outras infraestruturas, a localización e posta en marcha de Sogama viuse sometida a unha forte contestación social que, a xuízo de Fernández Vázquez, obedecía a distintos tipos de intereses (sociais, ecolóxicos, políticos e económicos), demostrando finalmente que moitos deles, por non dicir todos, eran inxustificados, prevalecendo o interese xeral. “Hoxe, Sogama posiciónase como unha das plantas do seu sector máis modernas e eficientes de Europa, ademais de punto de referencia para o resto do mundo”, subliñou.

RESPALDO TÉCNICO E CIENTÍFICO

No transcurso da entrevista, o primeiro presidente de Sogama quixo enxalzar o importante e decisivo respaldo e asesoramento por parte de ilustres catedráticos e profesores universitarios nos ámbitos ambiental e económico, recabando, para o concurso final de xestión e explotación das plantas que conformarían a infraestrutura industrial desta compañía pública, a opinión dos mellores operadores tecnolóxicos a nivel mundial.

Para isto utilizouse un procedemento novo que, tal e como explicou José Antonio Fernández, aínda que estaba recollido na normativa comunitaria, aínda non figuraba na Lei de Contratos daquel momento, e que era a figura do Diálogo Competitivo, trasposta posteriormente á lexislación española. Respecto disto, explicou que se trata dun sistema polo que o órgano adxudicador diríxese aos candidatos previamente seleccionados co obxectivo de desenvolver solucións á necesidade exposta, servindo estas de base ao proxecto definitivo sometido a adxudicación.

Clarificou que o proxecto inicial contemplaba dúas plantas, unha na zona norte, que daría servizo ás provincias da Coruña e Lugo, e outra  na zona sur, para as de Pontevedra e Ourense. Finalmente, prosperou a da zona norte, situándose a planta en Cerceda (A Coruña), cuxo Concello mostrou en todo momento unha absoluta predisposición e colaboración coa Sociedade.

Así mesmo, confirmou que, desde o primeiro momento, buscáronse as tecnoloxías punteiras no mundo, facendo de Sogama un modelo a seguir que se foi nutrindo con distintas melloras ao longo do tempo e que, actualmente, ten en carteira investimentos de calado que redundarán en beneficio de toda a poboación galega.

José Antonio Fernández Vázquez, hoxe conselleiro do Consello Consultivo de Galicia, mostrou a súa enorme satisfacción por ter participado na xornada conmemorativa dos 30 anos de Sogama, á que cualificou de entrañable, e que lle permitiu constatar que aquel proxecto que coñeceu e no que participou tan activamente na súa fase embrionaria, converteuse nun conglomerado técnico-administrativo que funciona coa máxima eficiencia e rigor.

https://www.sogama.gal/sites/default/files/newsletter/2022/09/Newsletter52_r.pdf

Saúdos, Departamento de Comunicación