• Constátase o aumento na circularidade dos envases farmacéuticos e na sensibilización cidadá en torno ao medicamento

Cerceda, a 13 de setembro de 2023.- As medidas de ecodeseño (165 en concreto) permitiron á industria farmacéutica, a través de SIGRE, que 94,8 millóns de envases de medicamentos fosen máis sostibles e respectuosos co medio ambiente, e que a reciclaxe dos mesmos se vira incrementada nun 5%. A maioría das medidas de mellora (95 das 165) centráronse en reducir o peso dos envases de medicamentos, pero tamén se adoptaron iniciativas que facilitaron a reciclaxe (32), a minimización do impacto ambiental dos seus residuos (27) ou a reutilización dos materiais (11).

Estas iniciativas de ecodeseño, adoptadas no segundo ano de execución do Plan de Prevención de Envases 2021-2023, que desenvolve SIGRE en colaboración coa industria farmacéutica, engádense ás que se foron realizando ao longo das dúas últimas décadas, de forma que actualmente un de cada tres medicamentos comercializados en España incorpora xa algunha medida de ecodeseño nos seus envases para ser máis respectuoso coa contorna. Estes datos evidencian a decidida aposta das compañías farmacéuticas coa economía circular e a sostibilidade dos seus envases.

Xunto a estas accións para mellorar o deseño dos envases, destácase o esforzo realizado en formación e sensibilización para aumentar o compromiso da poboación co tratamento ambiental dos medicamentos e o seu coñecemento sobre a estreita relación que existe entre a nosa saúde e a saúde do planeta. Exemplo disto é que o 86% dos fogares españois incluíu xa a reciclaxe dos medicamentos dentro dos seus hábitos ambientais.

Fonte e imaxe: SIGRE