• Plastics Europe presentou a segunda edición do seu informe Circular  Economy  for  Plastics – A  European  Overview», cuxa pretensión é axudar ao sector a avanzar nos obxectivos de circularidade e  descarbonización da UE
• Considera que, se se queren conseguir os devanditos obxectivos, hai que duplicar a capacidade actual de reciclaxe en Europa
• O estudo sinala que, para acelerar o progreso cara á circularidade, é esencial intensificar a colaboración cos  partners da cadea de valor e desenvolver un novo marco político que incentive mellor os investimentos e a innovación

Cerceda, a 1 de xuño de 2022.- A principios deste mes, Plastics  Europe, asociación europea de produtores de plásticos, presentou a segunda edición do seu informe «Circular  Economy  for  Plastics – A  European  Overview». Trátase dun estudo sobre os fluxos de plásticos relacionados coa produción, transformación, consumo, xestión de residuos, reciclaxe e uso de plásticos reciclados en Europa en 2020.

Ademais da análise detallada sobre o ciclo de vida dos plásticos, o documento tamén fai un seguimento da consecución de maiores niveis de reciclaxe e de contido reciclado. Así, compara os datos de 2020 cos obxectivos fixados na lei europea de  packaging e residuos de envases (PPWD) e pola Circular  Plastics  Alliance (CPA).

DATOS DESTACADOS

Tendo en conta que 2020 foi un ano peculiar marcado pola pandemia, a produción de plásticos reciclados post-consumo aumentou un 12%, en comparación con 2018, e o seu uso en novos produtos creceu un 15%, ata alcanzar os 4,6 millóns de toneladas.

Segundo o informe de Plastics Europe, a cantidade de residuos plásticos post-consumo enviada a instalacións de reciclaxe creceu un 8% con respecto a 2018, e a taxa de reciclaxe situouse no 35%.  Tamén indica unha taxa de reciclaxe europea de envases de plástico do 46% (segundo o antigo método de cálculo da PPWD) fronte ao 42% de 2018. Respecto do contido reciclado, creceu, de 2018 a 2020, un 43%.

DUPLICAR A CAPACIDADE DE RECICLAXE

Malia que os datos de 2020 indican unha evolución positiva, o informe sinala a necesidade de acelerar aínda máis o ritmo para alcanzar os obxectivos de circularidade a medio e longo prazo. Concretamente, Plastics  Europe considera que se se queren conseguir os obxectivos da  PPWD e da  CPA hai que duplicar a capacidade actual de reciclaxe en Europa.

Así, a asociación apoia un cambio sistémico que o faga posible. Nesta liña enmárcanse os investimentos en novas tecnoloxías realizadas pola industria. Así, os fabricantes europeos de plásticos prevén investir 7.200 millóns ata 2030 en reciclaxe química para complementar a reciclaxe mecánica. Isto permitirá incrementar a dispoñibilidade de plástico reciclado con 3,4 millóns de toneladas adicionais en Europa para 2030.

Tamén se pon de manifesto a diferenza entre os datos de consumo de plásticos e as cifras de recollida de residuos; algo que, en parte, explícase pola vida útil dos diferentes produtos plásticos, que fai que moitos sigan en uso.  Igualmente, para Plastics  Europe é prioritario seguir investigando e comprender mellor as razóns subxacentes desta diferenza de datos.

Finalmente, o documento conclúe que, para acelerar o progreso cara á circularidade, é esencial intensificar a colaboración cos  partners da cadea de valor, así como desenvolver un novo marco político que incentive mellor os investimentos e a innovación, mantendo ao mesmo tempo a competitividade global da industria europea.

Fonte e imaxe:  MundoPlast