• O máximo galardón ambiental das Nacións Unidas honra este ano á primeira ministra de Barbados, Mia  Mottley; á veterinaria de vida silvestre,  Gladys  Kalema- Zikusoka, de Uganda; a un grupo de mulleres que impulsa a conservación mariña no Pacífico Sur; e á empresaria de Kirguizistán, Maria  Kolesnikova.
• Os Campións da Terra inspiran, defenden, mobilizan e actúan para abordar os maiores desafíos ambientais do noso tempo, incluíndo a protección e restauración dos ecosistemas.

Cerceda, a 20 de decembro de 2021.- O Programa das Nacións Unidas para o Medio Ambiente (PNUMA) anunciou días atrás ás gañadoras dos premios Campións da Terra 2021, elixidas polo seu impacto transformador no medio ambiente e o seu liderado no impulso de accións audaces e decisivas en favor das persoas e o planeta.

As Campionas da Terra 2021 do PNUMA son:

• A primeira ministra de Barbados, Mia Mottley, premiada na categoría de Liderado político pola súa poderosa voz en favor dun mundo sostible. Desde o sur global, acendeu as alarmas sobre a vulnerabilidade dos pequenos Estados insulares en desenvolvemento ante a emerxencia climática. A primeira ministra é unha forza impulsora da acción climática en toda a rexión de América Latina e o Caribe, e foi a primeira en aprobar o plan de acción para o Decenio das Nacións Unidas sobre a Restauración dos Ecosistemas.

• As Mulleres do Mar de Melanesia (de Papúa Nova Guinea e as Illas Salomón), galardoadas na categoría de Inspiración e acción, capacitan a mulleres locais para monitorear e avaliar os impactos do blanqueamento xeneralizado de corais nalgúns dos arrecifes máis ameazados do mundo. As capacitacións inclúen mergullo, tecnoloxía e ciencias mariñas.

• Gladys Kalema- Zikusoka (Uganda), galardoada na categoría de Ciencia e innovación, foi a primeira veterinaria especializada en vida silvestre da Autoridade de Vida Silvestre de Uganda (UWA, polas súas siglas en inglés) e é unha recoñecida autoridade mundial en primates e enfermidades  zoonóticas.

• Maria Kolesnikova (Kirguizistán), galardoada na categoría de Visión emprendedora, é activista ambiental, defensora da mocidade e directora de MoveGreen, unha organización que traballa para monitorear e mellorar a calidade do aire na rexión de Asia central.

Inger Andersen, directora executiva do PNUMA, destacou que "A medida que entramos nesta década decisiva na que traballamos para reducir as emisións e protexer e restaurar os ecosistemas, estas campionas demostran que todos podemos contribuír. Cada acto pola natureza conta, e necesitamos que todo o espectro da humanidade comparta esta responsabilidade global e esta oportunidade", ao que engadiu que "as campionas deste ano son mulleres que non só nos inspiran, senón que tamén nos lembran que temos nas nosas mans as solucións, o coñecemento e a tecnoloxía para limitar o cambio climático e evitar o colapso ecolóxico".

SOBRE OS PREMIOS CAMPIÓNS DA TERRA

Desde a súa creación, en 2005, os premios Campións da Terra recoñeceron a 101 laureados, incluíndo a 25 líderes mundiais, 62 individuos e 14 organizacións. Este ano, o PNUMA recibiu un número récord de nomeamentos de todo o mundo.

Os premios Campións da Terra teñen como obxectivo inspirar e motivar a máis persoas a actuar ante a tripla crise planetaria do cambio climático, a perda de biodiversidade e a contaminación.

Os galardóns deste ano destacan o Decenio das Nacións Unidas sobre a Restauración dos Ecosistemas, que se estende ata 2030, e que coincide coa data límite para alcanzar os Obxectivos de Desenvolvemento Sostible.

Os ecosistemas sustentan toda a vida na Terra e, ata o de agora, nunca fora máis urxente devolver a vida a aqueles que se viron prexudicados. Canto máis saudables sexan os nosos ecosistemas, máis saudable será o planeta e a súa xente.

Fonte e imaxe: ONU Medio Ambiente