![La orquesta de La Música del Reciclaje amenizará el Día del Medio Ambiente desde Santiago de Compostela La orquesta de La Música del Reciclaje amenizará el Día del Medio Ambiente desde Santiago de Compostela](/sites/default/files/noticias/image/2022-08/Imagen%2520nota_24.jpg)
- Ofrecerá un concerto co que se renderá homenaxe a todos os peregrinos que, a través da iniciativa Camiño da Reciclaxe, promovida por Ecoembes e a Xunta de Galicia, contribúen a fomentar a reciclaxe e a manter o Roteiro Xacobeo libre de lixo.
- O evento, que conducirá o presentador Adrián Díaz, conta coa colaboración de Afundación, a Obra Social de ABANCA, e celebrarase o 5 de xuño (domingo), ás 12:30 horas, no Auditorio ABANCA en Santiago (Preguntoiro, 23).
- As entradas son gratuítas e poden adquirirse nesta web: www.ataquilla.com
Cerceda, a 26 de maio de 2022.- Con motivo da conmemoración do Día Mundial do Medio Ambiente (5 de xuño), a orquestra da Música da Reciclaxe ofrecerá en Santiago de Compostela un concerto co que se renderá homenaxe a todos os peregrinos que, a través da iniciativa Camiño da Reciclaxe, promovida por Ecoembes e a Xunta de Galicia, contribúen a fomentar a reciclaxe e a manter o Roteiro Xacobeo libre de residuos.
O evento, que conducirá o presentador Adrián Díaz, conta coa colaboración de Afundación, a Obra Social de ABANCA, e celebrarase o propio 5 de xuño (domingo), ás 12:30 horas, no Auditorio ABANCA, en Santiago (Preguntoiro, 23). No mesmo participará o famoso cantautor ferrolán Andrés Suárez e a Agrupación Folclórica Colexiata do Sar.
Esta peculiar orquestra, cuxos instrumentos foron elaborados a partir de residuos, creouse co obxectivo de ofrecer formación musical e educación en valores a mozos de barrios en risco de exclusión social da Comunidade de Madrid.
Nas súas clases, tamén se lles fai fincapé na importancia de coidar e respectar o medio ambiente reciclados. Con isto ponse en valor a importancia das segundas oportunidades, tanto para os residuos, a través da reciclaxe, como para as persoas.
Desde 2016, Camiño da Reciclaxe conciencia aos millleiros de peregrinos que percorren os distintos roteiros da importancia de que o Camiño deixe pegada neles e non eles nel (só coas súas pisadas!). Unha dobre homenaxe, xa que tamén busca agradecer a todo o pobo galego o compromiso e agarimo que cada día demostran co Camiño de Santiago.
As entradas son gratuítas e poden adquirirse nesta web: www.ataquilla.com
Fonte e imaxe: Ecoembes