• O Informe sobre os Riscos Globais pide impulsar a investigación sobre modelos climáticos e tecnoloxías para acelerar a transición verde, implicando tanto ao sector público como ao privado

Cerceda, a 22 de xaneiro de 2024.- Este mes fíxose público o Informe sobre os Riscos Globais para 2024, un documento no que o Foro Económico Mundial (WEF) alerta sobre as implicacións da desinformación, a polarización social, os climas extremos, a ciberinseguridade, os conflitos armados entre países, a inflación, a migración involuntaria, a recesión económica e a contaminación.

Os conflitos armados entre países eríxense como a quinta maior preocupación para os próximos dous anos, coa vista posta nas tensións entre Israel e Palestina, así como a guerra de Rusia en Ucraína, e o seu posible contaxio a outras zonas do mundo.

Pola súa banda, a incerteza económica que marcará o devir dos próximos exercicios, cunha previsible ralentización do crecemento e as dúbidas que suscitan certos avances tecnolóxicos.

A falta de oportunidades no espectro económico articúlase como a sexta maior preocupación para os próximos dous anos. Conleva desafíos a longo prazo en termos de barreiras económicas que poidan debuxar segmentos sociais moi marcados e limitar as oportunidades económicas.

As condicións climáticas extremas poderían conlevar, nun horizonte máis afastado, unha perda da biodiversidade, así coma o colapso de certos ecosistemas ou a perda e escaseza de recursos naturais. Os expertos enquisados manifestaron diverxencia sobre a urxencia de tales riscos. Mentres os do sector privado cren que a maioría dos riscos medioambientais materializaranse nun período de tempo máis longo, a sociedade civil ou os gobernos advirten do risco de superar un punto de non retorno.

O informe pide aos líderes que poñan en marcha accións para atallar estas preocupacións impulsando a cooperación entre países, pero tamén a través do consenso sobre a integración da intelixencia artificial na toma de decisións.

Pide, ademais, que se poñan en marcha campañas dixitais para advertir sobre os riscos da desinformación ou impulsar a investigación sobre modelos climáticos e tecnoloxías para acelerar a transición verde, implicando tanto ao sector público como ao privado.

Fonte: Gestores de Residuos

Imaxe: Pixabay