• Así se recolle nos resultados dunha enquisa realizada por IPSOS e na que participaron máis de 22.000 persoas de entre 15 e 35 anos en 23 países europeos.
• A gran maioría está convencida de que o cambio climático afecta a todos os océanos e continentes (86%), que a actividade humana é a culpable do quecemento global (83%) e que os nosos hábitos de consumo non son sostibles

Cerceda, a 10 de xuño de 2021.- Segundo unha enquisa realizada pola axencia de investigación de opinión pública IPSOS, en nome do European Environmental Bureau (EEB) e os seus socios no proxecto  Climate  of  Change, os mozos europeos consideran que o cambio climático (46%) e a degradación ambiental (44%) son os problemas máis importantes aos que se enfronta a humanidade.

Así se desprende dos resultados da enquisa realizada a máis de 22.000 persoas de entre 15 e 35 anos en 23 países europeos. Nela medíronse os coñecementos e as actitudes dos mozos respecto ao cambio climático, a migración e o modelo económico actual.

Moitos dos que non clasificaron o clima entre as súas principais prioridades estaban, con todo, preocupados por el. Isto reflíctese no feito de que o 84% dos enquisados dixo estar preocupado polo cambio climático e o 65% cría que lle afectaría directamente.

As fake news non parecen influír na percepción dos mozos europeos, xa que só o 8% dos enquisados considera que non existe o cambio climático. A gran maioría está convencida de que o cambio climático afecta a todos os océanos e continentes (86%), que a actividade humana é a culpable do quecemento global (83%) e que os nosos hábitos de consumo non son sostibles. Máis da metade (52%) cre que as empresas e a industria, seguidas polos gobernos (49%), son as principais responsables de abordar o cambio climático.

Aínda que o coñecemento do termo migrante climático é escaso (só o 32% oíu falar del), máis da metade (52%) está convencida de que o cambio climático provocará máis migracións no futuro.

Fonte: Gestores de Residuos

Imaxe:  Pexels