• Máis de 100 representantes do sector participaron no Recyclers’ Talks #5, organizado por EuRIC (Confederación Europea de Industrias da Reciclaxe).
• Peter Wessman responsable xurídico da DX de Medio Ambiente -Unidade de Xestión de Residuos e Materias Secundarias da Comisión Europea-, incidiu no proceso de asignación de prioridades no que está a traballar a Comisión co obxectivo de seleccionar o fluxo máis axeitado para desenvolver os criterios a aplicar en toda a UE en 2023 e anos posteriores.
• Alicia GARCÍA-FRANCO, vicepresidenta de EURIC e directora xeral de FER, encargouse das conclusións da xornada e pediu á Comisión maior celeridade e que priorice máis dun fluxo á vez.

Cerceda, a 11 de novembro de 2021.- Máis de 100 representantes do sector da reciclaxe participaron no Recyclers’Talks#5, organizado por EuRIC (Confederación Europea de Industrias da Reciclaxe). Trátase dunha serie de seminarios web que conectan aos responsables da toma de decisións da UE cos recicladores co obxectivo de debater os componentes necesarios para acelerar a transición cara a unha economía máis circular e lograr a axenda climaticamente neutra de Europa

ALGUNHAS DAS INTERVENCIÓNS

Emmanuel KATRAKIS, Secretario Xeral de EuRIC, inaugurou o Recyclers’ Talks#5 destacando a importancia duns criterios comunitarios harmonizados de fin de condición de residuo (EoW) coa pretensión de lograr un mercado que funcione correctamente para as materias primas secundarias e premiar a calidade.

Peter WESSMAN, responsable xurídico da DX de Medio Ambiente -Unidade de Xestión de Residuos e Materias Secundarias da Comisión Europea-, analizou o marco xurídico para o desenvolvemento dos criterios de fin de condición de residuo, que se basean no Directiva Marco de Residuos. Tras a publicación do novo Plan de Acción de Economía Circular en 2019, a Comisión Europea está a renovar o traballo para desenvolver os devanditos criterios e impulsar un mercado interior de materias primas secundarias que funcione axeitadamente.  Wessman incidiu no proceso de asignación de prioridades no que está a traballar a Comisión co obxecto de seleccionar o fluxo máis axeitado para desenvolver os criterios no conxunto da UE en 2023 e anos posteriores.

Sébastien RICARD, Director de Desenvolvemento Sostible e Asuntos Públicos do Grupo PAPREC, subliñou que para unha empresa líder en reciclaxe como a súa, os criterios de fin de condición de residuo comunitarios son absolutamente esenciais para realizar investimentos. “O fin de condición de residuo fai especial fincapé na calidade e impulsa as cadeas de valor circulares, ao aliviar as trabas administrativas”, ao que engadiu “Xunto cos obxectivos vinculantes de contido reciclado, é fundamental o seu rápido desenvolvemento para igualar as condicións coas materias primas extraídas”.

Lars RAAHAUGE, responsable de Medio Ambiente e Desenvolvemento Empresarial do Grupo Genan, explicou como o fin de condición de residuos para os pneumáticos impulsaría os investimentos en reciclaxe de alto valor dos pneumáticos fóra de uso (NFU), o que suporía un aforro substancial de recursos e para o clima, en liña cos obxectivos fixados polo Green Deal europeo.

CONCLUSIÓNS

Alicia GARCÍA-FRANCO, vicepresidenta de EURIC e directora Xeral de FER, encargouse das conclusións do Recyclers Talks destacando os importantes avances realizados en España en relación cos criterios nacionais de fin de condición de residuo para un gran número de fluxos, que están na lista da Comisión. Por isto, pediu á CE maior celeridade e que priorice máis dun fluxo á vez. “Dado que a industria europea da reciclaxe está a facer grandes investimentos para cumprir coas novas iniciativas do Plan de Acción da Economía Circular, pedir á Comisión que acelere o desenvolvemento dos criterios fin da condición de residuo para toda a UE é un chamamento lexítimo e urxente. A industria non pode esperar tres anos”, destacou.

Fonte: FER (Federación Española da Recuperación y el Reciclaje)

Imaxe:  Pexels