- O obxectivo de Caderno Verde é que os escolares poidan traballar nas distintas disciplinas obxecto de estudo, pero desde unha dimensión ambiental, concibindo o medio ambiente como eixo transversal no currículo académico
- Para o caso concreto de Secundaria, elaborouse un relato-xogo que leva por título “O secreto do Caderno Verde” e onde os estudantes deberán facer fronte a sucesivos desafíos para chegar á proba final
- O relato está protagonizado por catro mozos: Navia, Artur, Sira e Prisco
Cerceda, a 26 de maio de 2022.- A plataforma educativa “Caderno Verde” (www.cadernoverde.gal), concibida inicialmente para alumnos, pais e docentes de Primaria, deu un salto importante ao adentrarse este curso, e por primeira vez, na Educación Secundaria, con contidos propios para este tramo de idade.
O obxectivo de Caderno Verde é que os escolares poidan traballar nas distintas disciplinas obxecto de estudo, pero desde unha dimensión ambiental, concibindo o medio ambiente como eixo transversal no currículo académico.
As temáticas a abordar neste sitio web van desde a correcta xestión dos residuos urbanos ata a protección da biodiversidade, a loita contra o cambio climático, as enerxías renovables, a fauna e a mobilidade sostible, entre outras. Instrúese así aos pequenos nas boas prácticas vinculadas á preservación da contorna e a vida saudable, contemplando para isto distintos recursos didácticos tales como fichas interactivas tipo Verdadeiro/Falso, Arrastra ao lugar correcto, Escolle a opción, Cadros de diálogo, Marca a palabra ou frase, Colorea, Sopa de letras, Relaciona conceptos/imaxes, etc. A pretensión pretensión é reforzar os coñecementos ao redor das principais áreas curriculares (Matemáticas, Lingua –castelá e galega-, Inglés e Coñecemento do Medio).
O SECRETO DE CADERNO VERDE
O éxito desta iniciativa foi tal, que Sogama optou por que Caderno Verde comece a penetrarse na ESO e leve a súa mensaxe a mozas e adolescentes.
Con tal fin, o profesorado e alumnado desta etapa educativa poderán atopar no sitio web cadernoverde. gal, un relato-xogo que leva por título “O secreto do Caderno Verde”, e a través do cal os estudantes deben facer fronte a sucesivos desafíos para descubrir de forma exitosa a proba final. En función da elección, seguirán un camiño ou outro para completar o relato.
Os desafíos a resolver tocarán varias áreas curriculares de forma simultánea, á vez que se aborda a educación ambiental, especialmente en todo o relativo ao principio dos tres erres (Redución, Reutilización e Reciclaxe).
O relato está protagonizado por un grupo de mozos: Navia, a líder e que habitualmente é a que toma a última decisión; Artur, moi creativo, fíxase moito nos detalles e gústalle debuxar; Sira, intelixente e con moi boa memoria, é unha caixa de datos que a miúdo comparte cos demais; Prisco, un pouco bravucón e ás veces tamén intrépido, pero de moi bo corazón.
Pica aquí: http://www.cadernoverde.gal/o-secreto- do- caderno-verde/
Saúdos, Departamento de Comunicación
