![Imagen AMI](/sites/default/files/noticias/image/2024-07/imagen_nota_0.jpg)
-
A Téxtiles Recycling Expo, que terá lugar en xuño de 2025, está pensada para fomentar a colaboración, reunindo á toda a cadea de valor, incluídos fabricantes, recicladores e xestores de residuos, e a impulsar a innovación
Cerceda, a 16 de xullo de 2024.- A primeira feira centrada especificamente en resolver o acuciante problema dos residuos téxtiles, incluíndo a reciclaxe de teas, roupa, calzado, fibras e teas non tecidas, terá lugar en Bruxelas o 4 e 5 de xuño de 2025. Trátase da Téxtiles Recycling Expo (Exposición de Reciclaxe de Téxtiles), pensada para fomentar a colaboración e impulsar a innovación.
Tanto a exposición como a súa sala de conferencias serán de acceso gratuíto, pretendendo desta forma atraer a unha gran audiencia internacional de toda a cadea de subministración (principais recicladores, xestores de residuos, fabricantes téxtiles, provedores de roupa, minoristas e outras partes interesadas).
Tal e como manifestou o director de eventos de Applied Market Information (AMI), organizadora da exposición, Andy Beevers “As novas normativas da UE e a crecente presión dos consumidores están a impulsar a necesidade dunha colaboración intersectorial para desenvolver solucións viables que desvíen os residuos téxtiles dos vertedoiros”, ao que engadiu que “esta nova exposición e conferencia brindan unha oportunidade única para que toda a cadea de subministración se reúna para explorar as estratexias e tecnoloxías de reciclaxe que poden satisfacer estas demandas, e planificar os seus investimentos en consecuencia».
A feira é un escaparate internacional de desenvolvementos innovadores no ámbito da reciclaxe téxtil, incluídas as últimas tecnoloxías de clasificación, trituración e reciclado. Entre os expositores figuran tamén recicladores téxtiles e fabricantes de fibras e tecidos con materiais recuperados. Algunhas das empresas que xa reservaron o seu stand no evento son Aimplas, Carbios, Closeoop (DBT Fibre), MagnoLab, List Technology, New Retex, Pellenc ST, Picvisa, Reverse Resources, Stadler e Tomra.
A conferencia de alto nivel de dous días de duración que se celebra paralelamente á exposición ofrece un foro para que os líderes do sector, os innovadores e as partes interesadas dean forma a un futuro sostible para a industria téxtil.
A Téxtiles Recycling Expo conta co apoio de organizacións profesionais do sector tales como EuRIC, Fedustria, ReHubs, Téxtiles Recycling Association e Plastics Recycling World.
Fonte e imaxe: AMI (organizador da exposición)