• Lévase a cabo durante os meses de verán a fin de que os xoguetes se atopen en boas condicións de uso para ser entregados, con garantías, en Nadal.
•  Os traballadores do Centro Especial de Emprego ILADE, da Asociación Espertar de Castalla, son os encargados de comprobar a situación de cada xoguete e reacondicionalo para un novo uso. Os que non cumpren os requisitos de calidade, son destinados a reciclaxe.
•  A filosofía desta loable iniciativa baséase na defensa do dereito do neno ao xogo, concienciando aos pequenos sobre a importancia de coidar e compartir os seus propios xoguetes para que outros poidan gozalos.

Cerceda, a 9 de xaneiro de 2019.- A quinta edición da campaña solidaria “Comparte e Recicla”, a de maior proxección e entidade do noso país, bateu novos récords coa recollida de 136 toneladas de xoguetes durante os pasados meses de maio e xuño.

Grazas á doazón de múltiples familias, miles de nenos con escasos recursos poden gozar dos xoguetes a través dos diferentes programas de infancia cos que colabora esta campaña, que leva a cabo os labores de recollida durante os meses de verán a fin de que os xoguetes se atopen en boas condicións de uso para ser entregados, con garantías, en Nadal.

A Fundación SEUR encárgase do transporte dos xoguetes desde os máis de 330 puntos de recollida en tendas do Corte Inglés, Hipercor, Juguettos e Toysmaniatic, ata o centro de reprocesado.

Os traballadores do Centro Especial de Emprego ILADE, da Asociación Despertar de Castalla, son os encargados de comprobar as condicións de cada xoguete e reacondicionalos para un novo uso. No caso daqueles que non reúnan os requisitos, destínanse á reciclaxe grazas á Fundación Ecotic. O resto pasa a formar parte do banco de xoguetes, trala súa posta a punto, para seguir atendendo as peticións recibidas durante todo o ano desde distintas entidades benéficas e ONG de España.

A iniciativa atende solicitudes de Asociacións e ONG para que os xoguetes se destinen a agasallo directo, ludotecas e usos especiais como terapias. É o caso, por exemplo, dos enviados á Asociación Infantil Oncológica de Madrid, á Asociación Española de Niños y Adolescentes por el Desarrollo Integral (SENAD), a Asociación desarrollo-autismo Albacete, o Centro de Educación Especial Antonio Sequeros e a Asociación “Conociéndonos a través del juego”, entre outras, que levan a cabo terapias infantís coas que se traballan en valores, mellóranse as habilidades sociais, comunicativas e de conduta dos pequenos, así como as propiamente lúdicas.

A filosofía de “Comparte e Recicla” baséase na defensa do dereito ao xogo por parte dos nenos, concienciándoos sobre a importancia de compartir os seus propios xoguetes para que outros poidan gozalos. Así mesmo, intenta responsabilizar aos pequenos sobre a necesidade de coidar e mimar os seus xoguetes para teñan unha vida útil máis longa e cumpran coa súa función durante máis tempo.

Fonte: Fundación Ecotic

Saúdos, Departamento de Comunicación