- Segundo datos feitos públicos por Ecovidrio, en 2019 recolléronse en España, a través do iglú verde, 896.450 toneladas de residuos de envases de vidro, o máximo histórico rexistrado ata o de agora.
- Como media, cada cidadán depositou neste iglú 19kg de vidro, uns 65 envases por persoa.
- O Plan Estratéxico de Ecovidrio pasa por reciclar o 85% dos residuos de envases de vidro en 2025, 15 puntos máis do que esixirá Europa. Con tal fin, prevé investir máis de 480 millóns de euros no período 2020-2025.
- A colaboración dos cidadáns, entidades locais e administracións públicas resultou clave para lograr estes resultados, do mesmo xeito que a firme aposta pola hostalería sostible, unha canle que xera o 52% dos envases de vidro dun só uso.
Cerceda, a 28 de febreiro de 2020.- Segundo datos feitos públicos por Ecovidrio, en 2019 recolléronse en España, a través do iglú verde, 896.450 toneladas de residuos de envases de vidro, o máximo histórico rexistrado ata o de agora. Esta cifra representa un incremento do 30% nos últimos cinco anos e do 6,6% respecto de 2018. Como media, cada cidadán depositou neste iglú 19kg de vidro, uns 65 envases por persoa.
Ademais da propia recollida selectiva a través do iglú, Ecovidrio xestionou a recollida de 62.275 toneladas a través de 19 plantas de Residuos Urbanos.
Así as cousas, este SIX estima que a taxa de reciclado de residuos de envases de vidro, situada en 72,2% (dato oficial elaborado por MITECO correspondente ao ano 2017), manterá unha evolución positiva e logrará incrementos significativos para os seguintes exercicios.
Actualmente, en España existen 230.950 contedores para o reciclado de residuos de envases de vidro e só en 2019 Ecovidrio instalou 5.873 iglús novos. A media nacional sitúase en 1 iglú por cada 204 habitantes, unha das mellores ratios a nivel europeo.
PLAN ESTRATÉXICO DE ECOVIDRIO: RECICLAR O 85% EN 2025
O Plan Estratéxico de Ecovidrio pasa por reciclar o 85% dos residuos de envases de vidro en 2025, 15 puntos máis do que esixirá Europa. Con tal fin prevé investir máis de 480 millóns de euros no período 2020-2025.
Entre as medidas contempladas no plan destacan o impulso de iniciativas lexislativas (obligatoriedad ede separar en orixe e canon ao vertido), a instalación de case 30.000 contedores novos, a dotación de medios especiais e a posta en marcha de plans específicos para os profesionais da hostalería, así como a activación de proxectos integrales en zonas con maior potencial de crecemento.
Nun contexto marcado pola necesidade de transitar cara á economía circular e facer fronte á urxencia climática, a reciclaxe de residuos de envases de vidro constitúe un elemento de peso. Só en 2019 logrouse:
- Evitar a emisión de 556.061 t de CO2 equivalente, unha cantidade equiparable a retirar 260.000 coches da circulación ou percorrer en avión máis de 100.000 veces a distancia entre España e Australia.
- Evitar a extracción de 1.150.470 t de materias primas (areas, sosa, caliza), un peso equivalente a máis de 3 veces o Empire State Building e que ocuparían 58 veces o volume da Giralda de Sevilla.
- Aforrar 684.721 Mwh de enerxía equivalentes ao consumo enerxético de todos os hospitais de España durante dous meses.
A COLABORACIÓN E A APOSTA POLA HOSTALERÍA SOSTIBLE: CLAVES
A colaboración dos cidadáns, entidades locais e administracións públicas resultou clave para lograr estes resultados, do mesmo xeito que a firme aposta por a hostalería sostible, unha canle que xera o 52% dos envases de vidro dun só uso. Así mesmo, traballou conxuntamente con 120 concellos para garantir o cumprimento das ordenanzas municipais que contemplan a obligatoriedade de separar os residuos en orixe para os grandes xeradores
Igualmente, desenvolveu case 300 campañas de mobilización social dirixidas a distintos sectores sociais.
Fonte e imaxe: Ecovidrio
Saúdos, Departamento de Comunicación
