- O evento terá lugar desde o vindeiro luns, 10 de outubro, ata o xoves día 13.
- O programa deseñado para este ano brindará a oportunidade de comunicar sobre a resposta da UE aos desafíos sanitarios, sociais e económicos posteriores á pandemia.
Cerceda, a 7 de outubro de 2022.-Desde o vindeiro luns, 10 de outubro, ata o xoves, día 13, celebrarase a 20ª edición da Semana Europea das Rexións e Cidades (#EURegionsWeek), o maior evento anual con sede en Bruxelas dedicado á política de cohesión, que reúne a rexións e cidades de toda Europa, incluídos políticos, administradores, expertos e académicos, co fin de promover a aprendizaxe de políticas e o intercambio de boas prácticas.
En 2021, a segunda edición dixital alcanzou unha cifra récord de case 18.000 participantes rexistrados e 300 sesións nunha semana.
A cita deseñada para este ano brindará a oportunidade de comunicar sobre a resposta da UE aos desafíos sanitarios, sociais e económicos posteriores á pandemia. Centrarase na política de cohesión, os programas da UE para 2021-2027, así coma os instrumentos financeiros da UE para facer fronte á crise da COVID-19 e como poden marcar a diferenza no apoio a unha recuperación socialmente xusta, pero tamén na xestión exitosa da economía verde e transición dixital.
A Dirección Xeral de Emprego, Asuntos Sociais e Inclusión da Comisión Europea (DG EMPL) estará presente coas seguintes sesións:
- O Plan de Acción da Economía Social. Wue hai para as autoridades rexionais e locais?
- Fortalecemento do emprego en sectores impulsores da transición verde a nivel rexional
- Rexións que enfrontan desafíos de habilidades para as transicións verde e dixital baixo o Pacto polas Habilidades
- ALMA: un impulso para a inclusión dos mozos
- Podemos romper o círculo vicioso da pobreza infantil? A implementación da Garantía Infantil Europea a nivel rexional e local
- O que a iniciativa ESF Social Innovation+ pode facer polas partes interesadas rexionais e locais
Fonte e imaxe: #EURegionsWeek
Saúdos, Departamento de Comunicación
