• Este é o primeiro estudo público exhaustivo que analiza a cadea de valor da reciclaxe de envases de bebidas dun só uso en cinco mercados crave
• A día de hoxe, as latas de aluminio son os envases de bebidas máis reciclados a nivel mundial. Teñen unha taxa de eficiencia de clasificación, reprocesamento e refundición do 90% en comparación co vidro (67%) e o PET (66%).

Cerceda, a 21 de abril de 2022.- Unha investigación encargada polo Instituto Internacional do Aluminio (IAI) sobre a reciclaxe de tres materiais de envases de bebidas (aluminio, vidro e plástico PET), demostrou que as latas de aluminio son as que mellor apoian unha economía circular.

O estudo, que contempla datos en cinco rexións (Brasil, China, Europa, Xapón e Estados Unidos), mostra que, en comparación coas latas de aluminio, máis botellas de vidro e plástico acaban nos vertedoiros porque non se recollen. Ademais, as perdas no sistema de reciclaxe unha vez recollidas, é tres veces maior para as botellas de PET e vidro que para as latas de aluminio.

Ramón Arratia, vicepresidente de Asuntos Públicos Globais de  Ball  Corporation, sinalou que “Se ben ningún contedor de bebidas alcanzou aínda o seu potencial circular completo, o aluminio supera ao vidro e os plásticos (PET) en todas as etapas do sistema de xestión de residuos. Hoxe en día, as latas de aluminio son os envases de bebidas máis reciclados a nivel mundial. Teñen unha taxa de eficiencia de clasificación,  reprocesaminto e  refundición do 90 % en comparación co vidro (67 %) e o  PET (66 %)”.

Andrew Wood,  Group  Executive  Strategy & Business  Development en  Alumina  Limited, destaca que “A cantidade de latas de aluminio colleitadas ao final da súa vida útil é aproximadamente un 18 % maior que as botellas de  PET e un 28 % maior que as de vidro”.

A lata de aluminio foi producida en masa por primeira vez por Coors  Brewing  Company na década de 1950 para mellorar o sabor da cervexa e proporcionar un envase máis sostible que as latas de aceiro. Por tanto, “é tranquilizador ver a partir deste estudo que os obxectivos ambientais dese novo produto innovador hai tantos anos aínda se están logrando”. 

Marlen Bertram, Directora de Escenarios e Prognósticos do Instituto Internacional do Aluminio, destaca que “O aluminio é un dos materiais máis reciclables do planeta e o  IAI está a facer campaña para garantir que os produtos ao final da súa vida útil se devolvan ao circuíto de reciclaxe. dados os beneficios económicos e ambientais do metal na nosa economía global. Comparar as taxas de reciclaxe de diferentes materiais non ten sentido se non se sabe como se mide a taxa e en que produtos se recicla o material. Este estudo, ao aumentar a precisión de identificar onde ocorren as perdas máis importantes, podería brindar solucións para mellorar a taxa de reciclaxe de todos os materiais”.

Emilio Braghi, vicepresidente executivo de Novelis e presidente de  Novelis Europa, dixo que “Os sistemas de recolección e clasificación son esenciais para aumentar a circularidade e desbloquear todo o potencial dos materiais infinitamente reciclables. Necesitamos un marco de políticas que incentive a verdadeira reciclaxe e os sistemas circulares, nos que, ao final da súa vida útil, os envases de bebidas se reciclen unha e outra vez, sen perda de calidade”

Fonte:  International  Aluminium  Institute

Imaxe:  Pixabay