• Promovida por Ecoembes, busca concienciar aos milleiros de peregrinos que percorren o Camiño de Santiago da importancia que ten separar e reciclar os residuos que vaian xerando durante cada etapa
• Con tal fin, proporciónase a todos os EcoAlbergues adscritos ao proxecto un kit conformado por carteis didácticos, papeleiras de cor amarela e azul, un selo identificativo como colaborador da campaña, Compostelas do Ecoperegrino e bolsas reutilizables fabricadas con PET reciclado para entregar aos camiñantes

Cerceda, a 20 de xullo de 2022.- Ecoembes celebra unha nova edición da campaña “Camiño da Reciclaxe”, coa que busca concienciar aos milleiros de peregrinos que percorren o Camiño de Santiago da importancia de separar e reciclar os residuos que vaian xerando durante cada etapa.

Ademais de Galicia, sumáronse a esta iniciativa comunidades tales como Castela e León, Navarra, Cantabria, Asturias, A Rioxa e o País Vasco. Este 2022 a campaña estendeuse tamén ás hospedaxes do Camiño Portugués da Costa en Galicia, cubrindo xa seis Camiños.

KIT ECO

A todos os EcoAlbergues do proxecto (555) fáiselles entrega dun kit conformado por carteis didácticos, papeleiras de cor amarela (latas, briks e envases de plástico) e azul (papel e cartón), un selo identificativo para o albergue como colaborador da campaña (EcoAlbergue), Compostelas do Ecoperegrino e bolsas reutilizables fabricadas con PET reciclado para entregar aos camiñantes.

Nesta edición proporcionáronse aos Ecoalbergues máis de 55.000 bolsas reutilizables elaboradas con PET reciclado para que as repartan entre todos os EcoPeregrinos que se hospeden nas súas instalacións co obxectivo de fomentar a reciclaxe e a loita contra os residuos no Camiño de Santiago.

Este ano mantense a Compostela do EcoPeregrino, unha iniciativa que xurdiu co obxectivo de premiar o compromiso dos peregrinos coa reciclaxe. Así, cada peregrino que suba unha foto a Instagram ou Twitter da súa Compostela con tres selos (que poderán obter nos Ecoalbergues participantes do Camiño Reciclaxe durante os meses de xuño a outubro) co hashtag #EcoPeregrino, plantarase unha árbore autóctona nunha zona de España.

Na edición anterior plantáronse 600 árbores autóctonas no municipio de Cerdedo-Cotobade (Galicia) e 300 no municipio del Franco (Asturias).

“CAMIÑO AO REVÉS”

No marco do proxecto ambiental “Camiño da Reciclaxe”, o ano pasado iniciouse a actividade “Camiño ao revés” que busca fomentar a reciclaxe e o respecto á natureza ao longo deste emblemático roteiro.

Este ano, unha vintena de voluntarios de Ecoembes e do Proxecto “LIBERA, unidos contra a basuraleza” -creado pola ONG SEO BirdLife e Ecoembes- realizaron o “Camiño ao revés Portugués” para concienciar aos peregrinos que se dirixen a Santiago sobre a importancia de manter o roteiro limpo e libre de lixo.

Toda a información en www.caminodelreciclaje.com  

Saúdos, Departamento de Comunicación