• Na elaboración da mesma tamén participou a Unión Internacional para a Conservación da Natureza (UICN) e a Iniciativa de Ciclo de Vida.
• O documento proporciona un marco metodolóxico replicable e harmonizado que permite aos actores, tanto a nivel nacional como subnacional e local, identificar as fugas de plástico e os impactos asociados, así como implementar as accións máis apropiadas.
• Tamén posibilita o desenvolvemento de criterios básicos de modo que se poida monitorear a contaminación por plásticos e avaliar o éxito das intervencións.

Cerceda, a 9 de setembro de 2020.- Malia os grandes esforzos realizados en todo o mundo para combater a contaminación por plásticos, o problema segue aí. É por isto que o Programa das Nacións Unidas para o Medio Ambiente (PNUMA), a Unión Internacional para a Conservación da Natureza (UICN) e a Iniciativa de Ciclo de Vida elaboraron conxuntamente unha guía nacional para identificar puntos críticos de contaminación por plásticos e desenvolver plans de actuación.

Un punto crítico defínese como un compoñente do sistema que contribúe, directa ou indirectamente, ao vertido e ao impacto dos plásticos, ou sobre o cal se pode actuar para mitigar estas fugas ou os seus efectos.

O documento proporciona un marco metodolóxico replicable e harmonizado que permite aos actores, tanto a nivel nacional como subnacional e local, identificar as fugas de plástico e os impactos asociados, así como implementar as accións máis apropiadas. Tamén posibilita o desenvolvemento de criterios básicos de modo que se poida monitorear a contaminación por plásticos e avaliar o éxito das intervencións.

Nunha etapa posterior publicaranse módulos e ferramentas para axudar aos usuarios a recompilar datos, crear modelos, realizar cálculos e intervir.

A guía contribúe ao cumprimento dos Obxectivos de Desenvolvemento Sostible (ODS), en particular, o ODS 12 sobre patróns de consumo e produción sostibles e o ODS 14 para o uso sostible e a conservación dos servizos e recursos oceánicos.

Tamén apoia a implementación das resolucións aprobadas na cuarta sesión da Asemblea das Nacións Unidas para Medio Ambiente, en marzo de 2019.

Fonte: ONU Medio Ambiente

Imaxe: Pixabay