• Máis de 32 estudos de videoxogos uníronse a esta Alianza, canalizada a través do PNUMA.
• Así se recolle no Informe Anual do Impacto desta iniciativa, que mostra os progresos realizados pola industria en materia de descarbonización e accións de sustentabilidade nos videoxogos.
• O 60% dos membros comprometéronse a ter emisións negativas de carbono en 2030.

Cerceda, a 24 de marzo de 2022 – Máis de 32 estudos de videoxogos uníronse ao Programa das Nacións Unidas para o Medio Ambiente (PNUMA), Alianza Xogando polo Planeta, plantando máis dun millón de árbores e involucrando a 130 millóns de xogadores en temas relacionados co medio ambiente.

Así se recolle no Informe Anual do Impacto da Alianza, que mostra os progresos realizados pola industria en materia de descarbonización e accións de sustentabilidade nos videoxogos.

De acordo co mesmo, en 2021 The Green Game Jam,  que reúne aos principais nomes do mundo dos videoxogos en  PC, móbiles e consolas para formar e concienciar a millóns de xogadores a favor da natureza, triplicou o seu tamaño grazas aos 30 estudos que se uniron. Ademais, o 60% dos membros de Xogando polo Planeta comprometéronse a ter emisións negativas de carbono en 2030.

Sete novos estudos uníronse en 2021, logrando que se conte con 32 membros, cunha base de xogadores combinada de máis de mil millóns. Así mesmo, lanzouse un novo Young Green  Game  Jam  co respaldo dos estudos  TiMi, que á súa vez tivo o apoio de estudantes de máis de 300 universidades.

Adicionalmente, tamén se obtiveron novos datos sobre o consumo enerxético que realizan os dispositivos móbiles durante as sesións de xogos, actualizando así as cifras de hai 10 anos para que os estudos poidan calcular con maior precisión a súa pegada de carbono.

O documento destaca a dirección que a Alianza estima tomar durante 2022, ano no que se publicará un novo "Libro Branco" con datos e consellos para a industria sobre como reducir as súas emisións.

A temática das sesións Green Game  Jam de 2022 será a dos bosques, os alimentos e o futuro. A pretensión é superar o número de participantes de edicións anteriores, así como aumentar o alcance e a repercusión que pode ter a iniciativa.

O informe anual do impacto está concibido como un mecanismo deseñado principalmente para render contas sobre a transparencia e o progreso. Os membros que non cumpren os seus compromisos son apartados desta alianza.

Fonte: ONU Medio ambiente

Imaxe:  Pexels