• Un recente informe da Axencia Europea de Medio Ambiente apunta a que, se ben as políticas de economía circular da UE reforzáronse nos últimos anos, aínda deben volverse máis vinculantes para acelerar a adopción dunha economía máis rexenerativa

• O documento analiza posibles accións de futuro, coma o establecemento de obxectivos e a promoción dunha reciclaxe de maior calidade para fomentar a independencia dos recursos da UE e reducir a súa importación

Cerceda, a 12 de abril de 2024.- Malia os avances lexislativos do últimos cinco anos, os esforzos por transformar a economía europea, en gran medida lineal e "refugable", nunha economía circular requirirán, a xuízo da AEMA (Axencia Europea de Medio Ambiente) máis accións audaces e unha forte implementación das medidas existentes. Neste sentido, a organización onsidera que é esencial adoptar medidas decisivas para reducir drasticamente os residuos, priorizar a redución do uso de recursos, mellorar as taxas de reciclaxe e a introdución de produtos deseñados para a circularidade.

Un recente informe da AEMA “Acelerar a economía circular en Europa: estado e perspectivas para 2024”, apunta a que, se ben as políticas de economía circular da UE reforzáronse nos últimos anos, aínda deben volverse máis vinculantes e orientadas a obxectivos para acelerar a adopción dunha economía máis reXenerativa. Isto significa ir máis aló do enfoque actual nos residuos para abordar o uso de recursos de maneira máis directa, pois desenvolver unha economía circular é unha parte crucial dos esforzos da Unión Europea para abordar o cambio climático, a perda de biodiversidade e a contaminación.

 Progresos, pero insuficientes

A forte dependencia de Europa dos recursos naturais para proporcionar materiais, alimentos e combustible conleva importantes impactos ambientais e climáticos. Con todo, nos últimos anos observouse unha modesta disociación entre o consumo de recursos da UE e o crecemento económico. Ao mesmo tempo, a dependencia de Europa das importacións globais para a subministración dalgunhas materias primas, minerais metálicos e combustibles fósiles críticos, está a aumentar actualmente no contexto dun contexto xeopolítico máis desafiante.

Nos últimos anos houbo avances positivos, pero aínda estamos lonxe da ambición de duplicar a taxa de circularidade da Unión para 2030. Ao respecto, o informe da AEMA explica que moitas políticas de economía circular son relativamente novas e algunhas aínda non se implementaron completamente a nivel nacional, coa particularidade de que o impacto destas medidas require tempo para filtrarse a cambios nos modelos de negocios, patróns de consumo e, en última instancia, os nosos patróns de uso de recursos.

Accións de futuro

O informe tamén analiza posibles accións para o futuro, como o establecemento de obxectivos e a promoción dunha reciclaxe de maior calidade para fomentar a independencia dos recursos da UE e reducir a súa importación. Ademais de implementar principios de deseño ecolóxico, tamén é fundamental aumentar a circularidade, maximizando o uso e a vida útil dos produtos mediante a reutilización, a reparación e a remanufactura.

Igualmente, débese prestar especial atención á economía da subministración de materias primas, de modo que os incentivos e os prezos das mesmas teñan en conta o seu impacto ambiental e os materiais reciclados teñan un mellor roteiro para reintroducirse na economía.

Saúdos, Departamento de Comunicación