• A través do proxecto ECONOMÍA CIRCULAR-3, pretende reforzar a sostibilidade medioambiental das empresas pertencentes ao sector    dos plásticos.
• A separación de capas de residuos plásticos multicapa, a eliminación de cheiros en materiais reciclados, a biodegradación anaerobia e a valorización química mediante craqueo térmico representan as catro grandes áreas de traballo.

Cerceda, a 7 de xullo de 2020.-  No marco do novo modelo económico promovido pola Unión Europea, orientado a reducir a cantidade de recursos empregados para fabricar novos produtos e dar unha resposta efectiva aos refugallos xerados, a correcta xestión dos plásticos a través da súa recuperación e reintrodución no ciclo produtivo, xoga un papel relevante.

Tomando como referencia este escenario, AIMPLAS atópase desenvolvendo o proxecto ECONOMÍA CIRCULAR-3, cuxo obxectivo é mellorar a sostibilidade medioambiental das empresas pertencentes ao sector dos plásticos.

Dentro desta iniciativa, acometéronse investigacións en torno a catro grandes áreas:

• A separación de capas de residuos plásticos multicapa para o seu reciclado mediante disolventes, logrando desta forma unha recuperación superior ao 90%, ademais de obter materiais reciclados de alta pureza.
• A eliminación de cheiros en materiais reciclados utilizando distintos métodos durante o lavado, ademais de axentes oxidantes como os que se empregan habitualmente no tratamento de augas residuais complementados con luz ultravioleta e sustancias descontaminantes.
• A biodegradación anaerobia dos residuos plásticos, tratamento que, mediante a acción de microorganismos, produce biogás que logo pode ser utilizado para a obtención de produtos de interese na industria ou como fonte de enerxía.
• Análise da valorización química mediante craqueo térmico como complementaria ao reciclado mecánico. Investigáronse os procesos de pirólise, grazas aos cales é posible optimizar a recuperación de sustancias e materiais que logo poden ser incorporados de novo ao proceso produtivo, resultando un proceso cun balance enerxético nulo.

Durante o transcurso do proxecto, traballouse con diferentes residuos plásticos, mesturados e non mesturados, de cara a optimizar os produtos resultantes.

Así mesmo, comprobouse que as condicións de operación son viables, e non só desde o punto de vista técnico, senón tamén a nivel económico, polo que o proceso é trasladable á industria.

Os resultados de investigación serán escalados e validados nas empresas colaboradoras e posteriormente difundidos e transferidos para a súa introdución no mercado.

Fonte: AIMPLAS

Imaxe: Pixabay