• Actualmente, en España recíclanse máis de 7 de cada 10 envases de vidro, ou, o que é o mesmo, 9 millóns de envases ao día ou máis de 6.000 envases por minuto
• A cualidade do vidro de poder reciclarse sen límites, inspirou a creación de “Ensō”, unha curtametraxe que, do mesmo xeito que o ciclo do vidro, é sostible e interminable

Cerceda, a 29 de xaneiro de 2024.- Actualmente, en España recíclanse 7 de cada 10 envases de vidro, dando lugar a uns 9 millóns de envases ao día reciclados e máis de 6.000 envases por minuto, o que supón un total de 19,8 quilos reciclados ao ano por habitante.

Foi en 1982 cando se inaugurou oficialmente o primeiro contedor de vidro en Madrid, concretamente no barrio de Moratalaz, co alcalde Enrique Tierno Galván. Desta maneira, puidose aproveitar unha das grandes vantaxes ecolóxicas do vidro: que non perde calidade nin cantidade ao reciclarse, o cal o converte nun recurso inesgotable, propiciando o aforro de materias primas, enerxía e emisións. Desde entón a reciclaxe está cada vez máis presente no día a día dos españois.

Ensō, o eterno retorno do vidro

Durante o ano 2023, o reto era seguir inspirando á poboación, polo que ANFEVI (Asociación Nacional de Fabricantes de Envases de Vidro) mergullouse por primeira vez no mundo cinematográfico, dando vida a “Ensō”, a primeira curtametraxe sen fin onde converxen o vidro, a circularidade e unha historia de amor. E é que ‘Ensō’, un símbolo da caligrafía xaponesa, cuxo significado atribúe ao infinito contido na plenitude da harmonía, representa á perfección a economía circular do envase de vidro: un ciclo sen fin que coida o noso planeta e as persoas que o habitan.

Nacho Fernández, coñecido como Günther e nomeado aos Premios Goya 2022 por ‘Figurante’, foi o encargado de dirixir a peza, dotándoa dun gran prestixio e riqueza audiovisual. Ademais, o proxecto conseguiu obter a certificación de sostibilidade ambiental, da man da empresa tecnolóxica Creast.

Doutra banda, e para facer de “Ensō” unha historia que perdure no tempo e cale fortemente entre a sociedade, un total de 7 influencers, de temáticas relacionadas co cinema, a sostibilidad e o ‘slow living’, quixeron tamén unirse ao proxecto para inspirar aos seus seguidores a elixir e sempre reciclar o vidro.

Protagonista da obra de Remko Van Schaik

Para levar a mensaxe a pé de rúa, realizouse unha colaboración a nivel europeo co artista holandés Remko Van Schaik. Esta iniciativa, promovida por FEVE (A Federación Europea de Fabricantes de envases de Vidro, representa aos principais produtores de envases de vidro da Unión Europea), chegou tamén ao noso país, concretamente á Praza Callao de Madrid. Así, todas as persoas que pasaron por este emblemático enclave madrileño tiveron a oportunidade de gozar da obra de arte rueira en 3D do artista. Esta peza artística representaba, de forma moi orixinal, o proceso de produción e reciclado dos envases de vidro e permitía ao espectador formar parte del, grazas a unha ilusión óptica.

Fonte e imaxe: IDE