• O HDPE (Polietileno de Alta Densidade) e PP (Polipropileno) conforman o grupo das correntes máis recicladas de Europa, resultando necesario avanzar na recolección e ecodeseño para satisfacer a cada vez maior demanda de produtos reciclados.
• Italia, Alemaña, Reino Unido, España e Francia son os países con maior  capacidade instalada de reciclaxe para estes polímeros.
• A principal saída para as poliolefinas ríxidas segue sendo o sector do envasado, utilizándose nunha ampla gama de aplicacións que van desde alimentos ata produtos para o fogar  e artigos de coidado persoal.

Cerceda, a 13 de maio de 2019.- As poliolefinas ríxidas, postconsumo e postindustriais, e máis concretamente o HDPE (Polietileno de Alta Densidade) e PP (Polipropileno), conforman o grupo das correntes máis recicladas de Europa, tendo alcanzado o continente unha capacidade de reciclaxe de 1,7 millóns de toneladas.

Segundo datos proporcionados por Plastics  Recyclers Europe, os países cunha capacidade instalada de reciclaxe maior son Italia, cun 25%; Alemaña, cun 22%; e Reino Unido, cun 15%. Pola súa banda,  España conta cun 13% e Francia cun 9%.

Europa dispoñía en 2018 cun total de 114 entidades recicladoras de HDPE e PP, concentrándose o maior  número de instalacións en Italia e España, seguidas por Alemaña , Reino Unido e Francia.

No marco dos novos e esixentes obxectivos europeos en materia de reciclaxe, aprema a necesidade de incrementar a reciclaxe destes  polímeros. Neste sentido, o presidente do Grupo de Traballo de HDPE e PP, Herbert Snell, manifestou que a demanda de produtos reciclados continúa en liña  ascendente e, para satisfacer esta demanda e aumentar a calidade, resulta prioritario avanzar na recolección e o ecodeseño para a reciclaxe.

Tal e como sinalou, a principal saída para as poliolefinas ríxidas no ámbito europeo continúa  a ser o sector do envasado, utilizándose nunha ampla gama de aplicacións que van desde alimentos ata produtos para o fogar  e artigos de coidado persoal. O mercado restante para HDPE lévao a construción e, para o PP, a automotriz.

A día de hoxe, máis de 120 empresas de distintos puntos de Europa forman parte de Plastics Recyclers Europe (PRE), cuxo obxectivo é defender os intereses dos recicladores de plásticos.

A prioridade desta organización diríxese agora a apoiar a transición cara a unha economía circular e harmonizar os estándares de reciclaxe en toda Europa.

Así mesmo, PRE promove o uso de materiais plásticos reciclados de calidade e proporciona consellos e recomendacións para desenvolver produtos e paquetes innovadores con deseño  ecolóxico.

Fonte e imaxe: Plastics Recyclers Europe

https://www.plasticsrecyclers.eu/sites/default/files/articles/AdobeStock_167343353.jpg

Saúdos, Departamento de Comunicación