• Maio Wang, Premio Campións da Terra 2018 para Asia e O Pacífico, está inmersa no seu proxecto Better Blue para lograr un océano máis azul.
• Considera que os mergulladores poden desempeñar un papel clave para a ciencia cidadá a través da achega de datos sobre a situación do mar.
• Foi seleccionada para participar nun programa orientado a capacitar a mozos  para bucear e, ao mesmo tempo, recompilar  información sobre o estado dos océanos
• Así mesmo, desenvolveu un prototipo de programa educativo sobre consumo sostible que se pode compartir entre os clientes de establecementos populares, téndose instaurado nunha decena de cafeterías de Shanghái.

Cerceda, a 22 de febreiro de 2019.- Miao Wang logrou o premio “Mozos Campións da Terra 2018” para Asia e O Pacífico e, desde entón, traballa de forma permanente co obxectivo de contribuír a un océano máis limpo e azul. Explicou no seu momento que os mergulladores, cuxa parte da súa vida transcorre no mar, son testemuñas directos do gran deterioro que sofren os ecosistemas mariños.

A través da súa iniciativa Better Blue, Wang logrou a colaboración de diversas entidades, como é o caso da Asociación Profesional de Instrutores de Buceo en China. Tamén foi seleccionada para participar nun programa orientado a capacitar a mozos  para bucear e, ao mesmo tempo, recompilar  información sobre o estado dos océanos.

Así mesmo, esta moza Campiona da Terra desenvolveu un prototipo de programa educativo sobre consumo sostible que se pode compartir entre os clientes de establecementos populares, téndose instaurado nunha decena de cafeterías de Shanghái. A través deste programa intenta concienciar sobre boas prácticas e rexeitar o plástico dun só uso, por exemplo  substituíndo os sorbetes de plástico por alternativas biodegradables.

Xunto co seu equipo de Better Blue, estivo presente no Maratón de Xiamen, o primeiro  en unirse á campaña Mares Limpos de ONU Medio Ambiente, onde instalaron un punto informativo na sala de exposicións durante a semana previa ao evento.

Dado que os océanos non teñen voz, os mergulladores son unha excelente correa de transmisión e aportan moita información, xa que, a partir do seu traballo, pódese estimar a cantidade de refugallos que acaban no mar, entender como chegan a el, e clasificar e rastrexar o número de animais mariños ameazados.

Cada ano acaban nos océanos 13 millóns de toneladas de residuos. O obxectivo  de Better Blue é recompilar datos suficientes e persuasivos para axudar a cambiar políticas e previr o lixo mariño no futuro.

Investigan a calidade da auga, realizan filmacións submarinas e tamén controis de arrecifes de coral, cooperando igualmente con organizacións para impartir cursos na materia.

No marco Día Mundial dos Océanos, Better Blue lanzou o "Desafío de Cero Residuos" co obxectivo de animar á cidadanía a evitar o plástico dun só uso.

Fonte: ONU Medio Ambiente

Saúdos ,Departamento de Comunicación