![Científicas de la UCM proponen un proceso más eficiente para reciclar las pieles de los cítricos Científicas de la UCM proponen un proceso más eficiente para reciclar las pieles de los cítricos](/sites/default/files/noticias/image/2022-08/pixabay_6.jpg)
- Teñen un alto contido en polifenoles, compostos especialmente atractivos para a industria cosmética, farmacéutica e alimentaria.
- O novo método desenvolvido polas investigadoras permite extraer maior número e cantidade destes compostos bioactivos con propiedades saudables, destacando a súa capacidade antioxidante.
- Con este estudo demóstrase que estes residuos teñen unha utilidade, ábrese a porta á súa reutilización e contribúese ao mesmo tempo a minimizar o impacto ambiental da actividade industrial vinculada á fabricación de zumes.
Cerceda, a 26 de xullo de 2019.- Xerados fundamentalmente na produción de zumes, as peles dos cítricos teñen un alto contido en polifenoles, compostos especialmente atractivos para a industria cosmética, farmacéutica e alimentaria. A investigación, da que son autoras un equipo de científicas da Universidade Complutense de Madrid (UCM), e da que se fixo eco a Food Chemistry, evidencia a alta carga de polifenoles que conteñen estes residuos coa particularidade de que o novo método desenvolvido permite extraer maior número e cantidade destes compostos bioactivos con propiedades saudables, destacando a súa capacidade antioxidante.
Para o estudo utilizouse casca de laranxa, limón e mandarina, sendo o tipo de polifenol máis abundante nas tres peles a hesperidina, que resulta de especial interese para moitas industrias dada a súa función protectora fronte á radiación UVA e ao estrés oxidativo celular.
Unha das autoras deste traballo manifestou que, nos últimos anos, os polifenoles centraron a atención, non só da comunidade científica, senón tamén da sociedade no seu conxunto dado o valor engadido que poden aportar no desenvolvemento de alimentos funcionais ou de produtos cosméticos, e na súa utilización como aditivos naturais en alimentos ou como ingredientes en suplementos alimenticios.
Para levar a cabo este traballo, o grupo de investigación desenvolveu e optimizou un método de cromatografía de líquidos para a separación, identificación e cuantificación dos polifenoles presentes nos residuos das froitas. A posteriori desenvolvéronse as condicións de extracción destes residuos mediante ferramentas quimiométricas que permitiron establecer as condicións máis adecuadas para alcanzar o máximo rendemento.
Con este estudo demóstrase que estes residuos teñen unha utilidade, ábrese a porta á súa reutilización e contribúese ao mesmo tempo a minimizar o impacto ambiental da actividade industrial vinculada á fabricación de zumes.
Fonte: Residuos Profesional
Imaxe: Pixabay
Saúdos, Departamento de Comunicación