![La conferencia de ONU para la sociedad civil culmina con un pacto juvenil contra el cambio climático La conferencia de ONU para la sociedad civil culmina con un pacto juvenil contra el cambio climático](/sites/default/files/noticias/image/2022-08/Conferencia.jpg)
- A través dunha declaración final, os firmantes destacaron a importancia da inclusión, a paz, a familia, a educación, a mocidade e o empoderamento das mulleres e as nenas.
- Así mesmo, o potencial da mocidade foi plasmada nun segundo documento baixo o título o “Pacto Climático Xuvenil de Salt Lake City”.
- Este documento contempla varios instrumentos de acción que van desde facer fronte a políticas que prexudican o medio ambiente ata levar a cabo un labor de formación e concienciación ambiental dirixida ás comunidades.
Cerceda, a 3 de setembro de 2019.- Ante a crise climática que azouta con virulencia o noso planeta, os mozos decidiron unirse á loita e axudar nesa ardua tarefa que representa a construción dun futuro sostible.
Os participantes na 68ª Conferencia das Nacións Unidas e a Sociedade Civil, destacaron que as cidades e comunidades deben ser consideradas elementos esenciais para lograr todos os Obxectivos de Desenvolvemento Sostible (ODS).
Tras tres días de traballo (plenarias, reunións e debates), nunha declaración final os firmantes destacaron a importancia da inclusión, a paz, a familia, a educación, a mocidade e o empoderamento das mulleres e as nenas.
Se ben a temática central da Conferencia deste ano xiraba en torno ás "Cidades e comunidades inclusivas", o documento recoñeceu igualmente a interdependencia da prosperidade rural e urbana, así como a necesidade de abordar as condicións específicas das zonas montañosas e os pequenos Estados insulares en desenvolvemento, sen esquecer o potencial que representa a mocidade, plasmado á súa vez nun segundo documento baixo o título “Pacto Climático Xuvenil de Salt Lake City”.
Este documento faise eco de varios instrumentos de acción que van desde facer fronte a políticas que prexudican o medio ambiente ata levar a cabo un labor de educación e concienciación ambiental dirixida ás comunidades para explicarlles os impactos que teñen os distintos estilos de vida e sensibilizalos sobre a imperiosa necesidade de elixir medios de transporte respectuosos co medio ambiente tales como camiñar, desprazarse en bicicleta ou en transporte público.
Fonte e imaxe: ONU
Saúdos, Departamento de Comunicación