• Con esta cifra, equivalente a 100.000 unidades, pretende achegarse ao récord alcanzado en 2019, cando recolleu máis de 2 toneladas, e recuperar así os niveis habituais logo da cancelación da súa campaña o pasado ano debido á pandemia.
• Para isto instalou recompiladores de pilas nas liñas de saída e meta das 21 etapas da competición, e repartirá máis de 20.000 minirecompiladores domésticos.
• Unha vez finalizada a Volta o vindeiro domingo, 5 de setembro, en Santiago de Compostela, Ecopilas premiará aos tres afeccionados que tiveran depositado máis pilas, e recoñecerá aos tres municipios que recollan maior volume por habitante.

Cerceda, a 1 de setembro de 2021.-  Ecopilas prevé recoller 2.000 quilos de pilas e baterías usadas, o equivalente a 100.000 unidades, durante a presente edición da Volta Ciclista a España.

Con esta cifra pretende achegarse ao récord alcanzado en 2019, cando recolleu máis de 2 toneladas, e recuperar así, tras a cancelación da súa campaña de concienciación na edición 2020 debido á Covid-19, os niveis habituais durante este evento.

Para isto, a entidade ambiental instalou recompiladores de pilas nas liñas de saída e meta das 21 etapas da competición, e repartirá máis de 20.000 minirecompiladores domésticos.

Ademais, para motivar a participación da poboación, lanzou no seu momento o concurso ‘Reciclar ten premio seguro’ que obsequiará con distintos agasallos aos cidadáns que se acheguen a depositar as súas pilas usadas.

Unha vez finalizada a competición o vindeiro domingo, 5 de setembro, en Santiago de Compostela, Ecopilas premiará, cunha Tablet e maletas de viaxe, aos tres afeccionados que depositasen máis pilas, e recoñecerá aos tres municipios que recollan maior volume destes residuos por habitante.

A colaboración da Volta a España e Ecopilas remóntase a 2011, convertendo a esta organización na primeira do noso país en asociar deporte e sensibilización en hábitos de reciclaxe, tendo recollido desde entón 7,1 toneladas de pilas.

Fonte e imaxe:  FuturEnviro