• Apelou tamén a un maior esforzo en reducir o desperdicio alimentario en toda a cadea: desde as explotacións agrícolas ata o consumidor.
• Ao seu xuízo, “a nutrición non debe ser un fin en si mesma, senón un medio para levar unha vida sa e feliz”.
• Asegurou que a industria alimentaria pode axudar a transformar a agricultura e os sistemas alimentarios para obter mellores resultados ambientais, sociais e económicos.

Cerceda, a 3 de outubro de 2019.-  O Director Xeral da Organización das Nacións Unidas para a Alimentación e a Agricultura (FAO), Qu Dongyu, fixo un chamamento á industria alimentaria para que se esforce en apoiar unha alimentación saudable e reducir o desperdicio de alimentos en toda a cadea, desde as explotacións agrícolas ata o consumidor.

Ao seu xuízo, “a nutrición non debe ser un fin en si mesma, senón un medio para levar unha vida sa e feliz”. Así o manifestou no marco do evento que, co título “Solucións para o sector alimentario: a industria alimentaria e o desafío dos ODS” (Fixing the Business of Food: The Food Industry and the SDG Challenge) celebrouse recentemente baixo a organización da Fundación Barilla Center for Food and Nutrition, a Rede de Solucións para o Desenvolvemento Sostible, o Centro de investimento sostible da Universidade de Columbia (Columbia Center on Sustainable Investment) e o Santa Chiara Lab-Universidade de Siena, coincidindo co 74º período de sesións da Asemblea Xeral das Nacións Unidas.

Qu sinalou que a industria e as empresas alimentarias teñen un papel fundamental no logro da seguridade alimentaria e a nutrición, xa que inflúen na produción, procesado, venda polo miúdo e comercialización dos produtos que consumimos. Neste sentido, asegurou que a industria alimentaria pode axudar a transformar a agricultura e os sistemas alimentarios para obter mellores resultados ambientais, sociais e económicos.

Así mesmo, subliñou que, para ser máis sostibles desde o punto de vista ambiental, os sistemas alimentarios deben modificarse mediante a innovación e a tecnoloxía a fin de que poidan salvagardar e utilizar de xeito máis eficaz recursos naturais tan vitais como o auga e o solo.

O Director Xeral da FAO recordou tamén a necesidade de garantir que os agricultores estean equipados coas ferramentas, o coñecemento e a capacidade necesarias para mellorar a produción agrícola, á vez que aludiu á importancia de transformar as cadeas de subministración e a relación entre o minorista e o consumidor, engadindo que este cambio debe ser innovador e debe incluír á tecnoloxía dixital, en lugar de resistirse a ela.

Pediu intervencións na cadea de valor que vaian máis aló de simples consideracións económicas e que respecten as inquietudes culturais e sociais das persoas.  

Fonte: FAO

Imaxe: Pixabay

Saúdos, Departamento de Comunicación